HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2584 lıların üzerine taʻlîk olması iktizâ eden mecrûhîn kartıyla dahi iştigâl etmişdir. Bu husûsda tedkîki lâzım gelen nukâtı taʻyîn ederek bu vazîfeyi dahi Beynelmilel Salîb-i Ahmer Komitesi'ne havâle eylemişdir. Zâtî tımâr paketlerinin gerek zarf ve mazrûflarının dahi beynelmilel bir numûneye göre ya- pılması lüzûmu kabûl edilmiş ve tedkîki yine Beynelmilel Komite'ye bırakılmışdır. Bu komisyonun teklîfi üzerine konferansın kabûl etdiği mevâd ber-vech-i âtîdir: 1-Levâzım-ı sıhhiyenin tevhîdi için lâzım gelen bi'l-cümle maʻlûmât ve vesâiki toplamak 2-Tevhîdi lâzım gelen mevâd üzerine müsâbaka açmak 3-Beynelmilel mütehassıslardan mürekkeb dâimî bir komisyon teşkîl ederek burada müsâbaka esnâsında iʻtâ kılınan mevâddın muʻâyenesini ve Salîb-i Ahmer konferansı tarafından bilâhare numû- ne olarak kabûl edilecek olan numûne tiplerini taharrî etmek 4-Yaralıların her ordu tarafından aynı sûretde numaralanmasını tedkik eylemek. Bunlardan mâʻadâ komisyon muhtelif devletlerin sıhhiye dâireleri ve Salîb-i Ahmer Cemʻi- yetleri tarafından sergiye gönderilmiş olan levâzım-ı sıhhiyeden, mevzûʻ-ı bahis olan tevhîde lâzım olanlarının şimdiden Beynelmilel Salîb-i Ahmer Komitesi'ne tevdîʻini teklîf etmiş ve kabûl olunmuş- dur. Bu mevâd levâzım-ı sıhhiyenin mütâlaʻa ve tedkîkiyle meşgûl olacak Beynelmilel müessesenin koleksiyonunu teşkîl edecekdir. _______________ Dördüncü Komisyon Hilâl ve Salîb-i Ahmer Cemʻiyetleriyle sıhhiye-i askeriyenin münâsebetleri Bu münâsebeti tedkîke meʼmûr olan komisyon âtîdeki mukarrerâtı ittihâz etmiş ve konferans tarafından mazhar-ı kabûl olmuşdur: 1-On İkinci Konferans Cenevre'de levâzım-ı sıhhiyenin tedkîk ve mütâlaʻaları için beynelmi- lel bir enstitü teşkîlini müfîd bulmakdadır. Bunun programının, büdcesinin mütâlaʻası Beynelmilel Salîb-i Ahmer Komitesi'ne tahmîl edilmişdir. Bu heyʼet mümkün olduğu kadar kısa bir zamânda millî Hilâl ve Salîb-i Ahmer Cemʻiyetlerine rapor ve teklîfâtını göndermeğe daʻvet eder. 2-On İkinci Konferans, gelecek konferansı daʻvete meʼmûr olan heyʼetin o konferans progra- mına Hilâl ve Salîb-i Ahmerler muʻâvenetinin bahrî harb musâbînine dahi teşmîlini dâhil etmesini teklîf eyler. _______________ Beşinci Komisyon Muhârebelerde semmî mevâdd-ı kimyeviyenin istiʻmâl ve netâyici Harbde mevâdd-ı kimyeviye istiʻmâliyle iştigâl eden komisyonun mesâʻîsi şübhesiz konferan- sın en ehemmiyetli bir kısmını teşkîl etmişdir. Harb-i Umûmî'de her iki taraf orduları yekdiğerine karşı muhtelif semdâr gazlar veya mâyiʻât kullanmışlardır. Bunlardan bazıları yalnız muvakkat bir zamân için muhâriblerin gözlerini kızartmak ve sulandırmak ve bu sûretle görmelerine mâniʻ olmak