HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2587 Yedinci Komisyon Muhâcirler için yapılan muʻâvenetlerin tevhîdi On İkinci Beynelmilel Salîb-i Ahmer Konferansı muhâcirlere muʻâvenetin ve bu muʻâvenete efkâr-ı umûmiyeyi serîʻan alâkadâr etmekliğin ehemmiyetini bi't-takdîr ber-vech-i âtî mukarrerâtı ittihâz eyler: -1- 1-Hâl-i hâzırda vatan-ı aslîlerinde bulunan Türk, Rum, Bulgar ilh. muhâcirler için hükûmetlere Yunan muhâcirleri hakkında yapılan istikrâza müşâbih istikrâz yapılmasını temennî ve tavsiye eder. Beynelmilel Salîb-i Ahmer Komitesi'ni bu husûsda hükûmetler tarafından vâkiʻ olacak talebleri takviye için Cemʻiyet-i Akvâm murahhası nezdinde teşebbüsât-ı lâzımede bulunmağa daʻvet eyler. 2-Ermeni, Rus ilh. gibi anavatanları hâricinde kalmış ve memleketlerine girememiş olan muhâ- cirlere gelince; a) Cenevre Ahidnâmesi'ne vazʻ-ı imzâ eden hükûmetlerden ve millî Hilâl ve Salîb-i Ahmer Cemʻiyetlerinden Cemʻiyet-i Akvâm'ın altıncı ictimâʻına, Beynelmilel Mesâʻî Bürosu tarafından bu muhâcirlerin hâllerini ıslâh maksadıyla verilen talebnâmenin takviyesini ve netâyicinden Beynelmi- lel Salîb-i Ahmer Komitesi'nin haberdâr edilmesini ricâ eder. b) Hilâl ve Salîb-i Ahmer Cemʻiyetlerine mühim muhâcir merâkizinde bulunan Beynelmilel Mesâʻî Bürosu'nun Muhâcirlere Muʻâvenet Şuʻbesi murahhasları ve istişârî komisyonlarıyla müsmir bir iştirâk-i mesâʻîyi teʼmîn için temâsda bulunmalarını tavsiye ve temennî eyler. -2- On İkinci Beynelmilel Salîb-i Ahmer Komisyonu, millî Hilâl ve Salîb-i Ahmer Cemʻiyetlerine, hükûmetleri nezdinde muhâcirlere mahsûs olan hediye paketlerinin gümrük resminden muʻâfiyetleri için mürâcaʻatda bulunmalarını ricâ eder. Bu karârlar konferans tarafından kabûl olunmuşdur. Bu müzâkerât esnâsında Sırp Murahhası Mösyö Metikoviç hükûmeti Bulgar toprağında bulunan Makedonya muhâcirlerini Sırbistan'a kabûl eder ve orada istirâhat ve iş ve emniyet bulacaklarını teʼmîn eder demişdir. _______________ Sekizinci Komisyon Hilâl ve Salîb aʻzâlarının ecnebî memleketlerde seyâhatleri esnâsında hüviyetlerini müşʻir bey- nelmilel hüviyet kartlarının ihdâsı On İkinci Beynelmilel Salîb-i Ahmer Konferansı Belçika ve İtalya Salîb-i Ahmerlerinin bu bâbdaki raporlarına ıttılâʻ hâsıl etdikden sonra ecnebî bir memleketde seyâhat eden Hilâl ve Salîb-i Ahmer Cemʻiyetleri aʻzâları için beynelmilel bir hüviyet varakasının ihdâsına karâr verir. Millî cemʻiyetleri, beynelmilel muʻâvenet-i mütekâbilenin, [291] mâlî muʻâvenet müstesnâ ol- mak şartıyla büyük Hilâl ve Salîb-i Ahmer familyasının aʻzâlarına teşmîli lâzım gelen muʻâmeleyi îfâya daʻvet eder.