HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2588 Bu hüviyet varakası Beynelmilel Salîb-i Ahmer Komitesi tarafından tabʻ etdirilecekdir. Millî cemʻiyetler bunları Beynelmilel Komite'den masrafını iʻtâ etmek sûretiyle alacaklar ve alâkadâr olan aʻzâlarına tevdîʻ edeceklerdir. Bu mevâddın teklîfi esnâsında konferans aʻzâlarından birkaç kişi söz almış ve bu vesîkanın kimlere ve ne şerâit tahtında verileceğini sormuşdur. Netîcede her Hilâl ve Salîb-i Ahmer merkez-i umûmîlerinin yapacağı bir taʻlîmâtnâmeye göre ve mahdûd eşhâsa verilmesi takarrür etmiş ve husûsî bir vazîfe ile bir memlekete gönderilen Salîb-i Ahmer murahhasının yalnız bu vesîka ile iktifâ etme- mesi, bu âna kadar olduğu gibi gönderen cemʻiyetin, gidilen memleketde Salîb-i Ahmer merkezini mesʼeleden tahrîren haberdâr eylemesi kabûl edilmiş ve beynelmilel vesîka ile bir memlekete giden Salîb-i Ahmer aʻzâsı herhangi bir teşebbüsde bulunmazdan evvel mahallî Salîb-i Ahmer merkezini vürûdundan haberdâr eylemesi mecbûrî addolunmuşdur. _______________ Dokuzuncu Komisyon Hilâl ve Salîb-i Ahmer alâmetlerinin mahall-i istiʻmâlleri 10 Ağustos 1920 târîhiyle Beynelmilel Salîb-i Ahmer Komitesi muhârebe esnâsında Salîb-i Ahmer alâmetinin sûistiʻmâlinden bahsederek Hilâl ve Salîb-i Ahmer Cemʻiyetlerine ber-vech-i âtî tavsiyede bulunmuş idi: Hiçbir zamân hattâ propaganda gibi hüsn-i niyetle bile olsa Hilâl ve Salîb-i Ahmer işâretinin istiʻmâl edilmemesi, bu alâmetin ifâde etdiği maʻnâ ve kıymeti tenkîs etmemek için elzemdir. Hilâl ve Salîb-i Ahmer alâmetinin mukaddes bir tılsım gibi pek husûsî bir maʻnâsı olduğunu ve bütün medenî milletler tarafından tasdîk edilmiş olan bir ahidnâme ile mazhar-ı himâye olduğunu aslâ unutmama- lıdır. Fi'l-hakîka 6 Temmuz 1916 târîhinde Cenevre'de yapılan ahidnâmenin yirmi üçüncü mâddesi ber-vech-i âtîdir: Beyâz bir zemîn üzerine kırmızı hilâl veya salîbden ibâret olan alâmet ne sulh ve ne de harb es- nâsında ahidnâme tarafından himâye edilen teşkîlât ve teʼsîsât-ı sıhhiye ile efrâd ve mevâddın himâ- yesinden başka hiçbir maksadla istiʻmâl olunamaz. Bu mâdde gâyet sarîhdir. Hilâl ve Salîb-i Ahmer sulh programlarının tevessüʻ etmesi ve bâ- husûs son zamânlarda Gençlik Salîb-i Ahmeri'nin teşekkülü bu mâddede hiçbir tebeddüle sebebiyet veremez. Hilâl ve Salîb-i Ahmer Cemʻiyetleri tarafından neşrolunan risâleler, iʻlânlar, kartpostallar mi- sillü şeyler cemʻiyetin sulh esnâsındaki faʻâliyete âid eşyâ olduğu cihetle alâmet-i mahsûsayı hâmil olabilirler. Bu nukât nazar-ı dikkate alınarak komisyon tarafından teklîf olunan ber-vech-i âtî üç mâdde konferansın müttefikan mazhar-ı kabûlü olmuşdur. Hilâl ve Salîb-i Ahmer Cemʻiyetleri; 1-Mevcûd millî kavânînin müsâʻadesine göre bir tarafdan Salîb-i Ahmer isim ve alâmetinin himâyesine ve diğer tarafdan dahi herhangi bir sûretle bu isim ve alâmetle karıştırılabilecek isim [ve] alâmetlerin menʻine dikkat edecek ve mevcûd bütün vesâitiyle bu husûsdaki millî kânûnun şiddetle tatbîkine nezâret eyleyecekdir.