HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2589 2-Eğer millî kavânîn gayr-ı kâfi ise bu [292] maksadı teʼmîn edecek şekilde kuvve-i teşrîʻiyesi tarafından On Birinci Beynelmilel Salîb-i Ahmer Konferansı'nın kabûl etdiği Cenevre Ahidnâme- si'nin tebdîli projesinde zikredilen şekilde bir yeni kânûnun kabûlünü teʼmîn için mürâcaʻatda bulu- nacakdır. 3-Yunan Salîb-i Ahmer murahhası tarafından vâkiʻ olan teklîf üzerine millî Salîb-i Ahmer Cemʻiyetlerinin, Salîb-i Ahmer alâmetinin aʻzâları tarafından ancak icrâ-yı vazîfe esnâsında taşıma- larına müsâʻade etmesi ve bu cihetin bâ-husûs Gençlik Salîb-i Ahmer Cemʻiyeti aʻzâları hakkında şiddetle nazar-ı dikkate alınması takarrür eylemişdir. Onuncu Komisyon Hilâl ve Salîb-i Ahmer Teşkîlâtı'nın mesâib vukûʻunda ihtiyârî muʻâvenetleri mesʼelesi Bu komisyonun işgâl etdiği mesʼele evvelki konferans esnâsında İtalya Salîb-i Ahmeri Reîsi aʻyândan Mösyö Ciraolo tarafından beynelmilel bir muʻâvenet teşkîlâtı yapılmasına dâir vukûʻa ge- len teklîfinin şekl-i hâzırına âiddir. Bu teklîf müteʻaddid safhalardan geçmiş ve nihâyet Cemʻiyet-i Akvâm'a tevdîʻ kılınmış bu- lunuyor. Cemʻiyet-i Akvâm da teklîf olunan esâsâtı kabûl ederek buna dâir bir proje ihzâr eylemiş bulunuyor. Salîb-i Ahmer konferansı mesʼelesinin hakîkaten Salîb-i Ahmer Teşkîlâtı'nı alâkadâr edecek mâhiyetde olduğunu kabûl ederek karîben Cemʻiyet-i Akvâm tarafından tevzîʻ olunacak projenin mu- vaffakiyetini teʼmîn için millî Salîb-i Ahmer Cemʻiyetlerinin gayret etmelerini tavsiye etmekdedir. _______________ Komisyon, bu on komisyon mukarrerâtını kabûl etmiş ve müteʻaddid Hilâl ve Salîb-i Ahmer Cemʻiyetleri tarafından hulâsaten teblîğ olunan raporları dinlemiş ve icrââtlarını takdîr eylemişdir. Bu meyânda Hilâl-i Ahmer'in icrââtına dâir de lâzım gelen maʻlûmât verilmiş ve takdîr olunmuşdur. Nihâyetde Reîs Mösyö Ador belîğ bir nutuk îrâd ederek On Üçüncü Beynelmilel Salîb-i Ahmer Konferansı'nın 1928 senesi içerisinde inʻikâd edeceğini söylemiş ve bunun üzerine Japon murahhası On Üçüncü Beynelmilel Salîb-i Ahmer Konferansı'nın Tokyo'da inʻikâdını teklîf eylemiş ise de ma- hall-i ictimâʻ bilâhare taʻyîn olunmak üzere konferansa nihâyet verilmişdir. Ankara, 10 Teşrîn-i Sânî 1341 (1925) İstanbul Mebʻûsu ve Hilâl-i Ahmer Cemʻiyeti Merkez-i Umûmîsi Reîs-i Sânîsi Hakkı Şinasi Tıb Fakültesi müderrislerinden ve Hilâl-i Ahmer Cemʻiyeti Merkez-i Umûmîsi sâbık Reîs-i Sânîsi Âkil Muhtar Çocuk Düşürtme ve Teverrüm Geçen son Hilâl-i Ahmer kongresine murahhas intihâb edilmiş olan Haseki Nisâ Hastahânesi etıbbâsından Doktor Ahmed Süheyl Bey'in mecmûʻa için yazdığı makâleyi biraz aşağıya derc ediyoruz.