HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2593 Sikat vekâyiʻi son zamânlarda pek ziyâde çoğalmışdır. Bir âfet-i ictimâʻiye gibi bizi kemir- mekde ve kadınlığı tehlikede bırakmakdadırlar. Şehirleri yalayan bir yangın gibi genç kadınlarımızın dimâğlarına kadar teʼsîr eden bu bî-amân savletin karşısına durmalı, hiç olmazsa doğuracakları ço- cuklarına bakamayacaklarından, çalışamayacaklarından ve sefâletlerinden dolayı çocuk düşürtenleri bu hâlden vazgeçirtmekle ve bu ictimâʻî âfetin önüne geçmekle berâber bunların baʻde't-tevlîd ço- cuklarına bakmak ve bakdırmak gibi aʻzamî teshîlâtı gösterelim. Hizmetleriyle müftehir olduğumuz ve pek mühim bir müessesemiz olan Hilâl-i Ahmer'in de bu husûsda kıymetli yardımlarına muhtacız. Hattâ cemʻiyetimizin merkez ve şuʻabâtını pek büyük bir liyâkatle idâre eden erkân-ı muhteremesi bu husûsu nazar-ı dikkate alarak bu hayırlı işde de öne geçmişlerdir. Bizlere de mürâcaʻat eden kadınları çocuk düşürtmekden vazgeçirtmeli ve vesâyâ-yı tıbbiyede bulunmalı ve tehlikelerini gâyet açık bir lisânla anlatmalıyız. Yapacak en büyük vazîfelerimizden biri de budur. Haseki Nisâ Hastahânesi etıbbâsından Doktor Ahmed Süheyl HİLÂL-İ AHMER HAVÂDİSİ Hilâl-i Ahmer Müfettiş-i Umûmîliği İnhilâl eden Hilâl-i Ahmer müfettiş-i umûmîliğine merkez-i umûmî aʻzâsından Çorum Mebʻûs-ı muhtere- mi Doktor Mustafa Bey intihâb edilmişdir. İstanbul Vilâyeti Hilâl-i Ahmer Kongresi İstanbul Vilâyeti Hilâl-i Ahmer Meclis-i Umûmî- si Kânûn-ı Evvel'in on beşinci Salı günü baʻde'z-zevâl sâʻat ikide merkez binâsında Reîs-i Sânî Doktor Ali Pa- şa'nın riyâseti altında küşâd edildi. Ali Paşa tarafından Hilâl-i Ahmer'in sebeb-i te- şekkülü ve târîh-i teessüsünden iʻtibâren memlekete îfâ etdiği hidemât-ı meşkûre hakkında bir nutk-ı iftitâhî îrâd edildikden sonra nizâmnâme mûcebince bir reîs-i evvel ve reîs-i sânî ile bir kâtibin intihâbına başlandı. Muvakkat riyâset-i ûlâya Doktor Orhan Tahsin Bey, muvakkat riyâset-i sânîliğe Hayri Bey, muvakkat riyâset-i kitâbete Evrenoszâde Vasfi Bey intihâb olun- dular. Baʻdehû heyʼet-i merkeziye tarafından tanzîm edilen rapor kırâat ve kabûl edildikden [297] sonra 1926 senesine âid büdce dahi tezekkür ve tasdîk edildi. Heyʼet-i merkeziyeden nizâmnâme ahkâmına Ahîren inʻikâd eden İstanbul Vilâyeti Hilâl-i Ahmer Konferansı riyâsetine intihâb olunan Doktor Orhan Tahsin Beyefendi Dr. Orhan Tahsin Bey, êlu président du Congrès du Croissant-Rouge du Vilayet de Stanboul