HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2597 İzmir Hilâl-i Ahmer Merkezi Dispanserleri İzmir Hilâl-i Ahmer Merkezi idâresinde bulunan dispanserlerine Kânûn-ı Evvel zarfında mürâ- caʻat edip meccânen muʻâyene ve tedâvîleri icrâ kılınan hastalar: 1 numaralı dispanser 1.943 2 numaralı dispanser 406 3 numaralı dispanser 549 SALÎB-İ AHMERLER HAVÂDİSİ Amerika Efrâd-ı Berriye ve Bahriyeye Muʻâvenet Teşkîlâtı Harbiye ve Bahriye Nezâretleri müsteşârları tarafından vukûʻ bulan taleb üzerine Amerika Salîb-i Ahmeri Efrâd-ı Berriye ve Bahriye'ye Muʻâvenet Teşkîlâtı'nı Harb-i Umûmî'den sonra sulh zamânı ihtiyâcâtına göre taʻdîl etmişdir. Makâmât-ı askeriye ile her zamân samîmî temâs ve münâsebâtda bulunan işbu teşkîlât-ı vâsiʻa, Salîb-i Ahmer merâkiz ve şuʻabâtı vâsıtasıyla kudret ve şümûlünü hastahânelere, kışlalara ve berrî ve bahrî mevâkiʻ-i askeriyeye kadar tevsîʻ eylemişdir. Amerika Salîb-i Ahmer Merkez-i Umûmîsi dâhilinde icrâ-yı faʻâliyet eden muʻvenet-i mezkûre teşkîlâtı efrâd veya âilesinin vazîfe-i askeriye hâricinde hayâtına her ne sûretle olursa olsun taʻalluku olan bi'l-cümle mesâilde Salîb-i Ahmer merkez [300] ve şuʻbeleriyle harbiye ve bahriye dâireleri arasında vâsıta vazîfesini îfâ eder. Muʻâvenet teşkîlâtının faʻâliyeti hakkında îzâhât ve tafsîlâta girişmeksizin Harbiye ve Bahriye Nezâretlerinden bu bâbda Salîb-i Ahmer'e tevdîʻ edilen vezâife dâir âtîdeki maʻlûmâtın iʻtâsını fâideli addediyoruz: 1-Silâh altında bulunan efrâdın âilelerine lede'l-îcâb ictimâʻî, tıbbî, mâlî, adlî muʻâvenetde bu- lunmak 2-Asker âilelerine ve bizzât efrâd-ı askeriyeye âid tahkîkâtı teshîl etmek 3-Taht-ı silâhda bulunan efrâd âilelerinin refâh-ı hâlleri için fâideli öğüdler vermek 4-Asâkir-i mezkûre efrâd âilesine iş bulmak 5-Tekâʻüd maʻâşı, gönüllülere verilen ikrâmiye, tazmînât vesâireye müteʻallik mesâil hakkında iʻtâ-yı maʻlûmât etmek ve zuhûr edebilecek müşkilâtda askere ve âilelerine muʻâvenet etmek 6-Asker veya âilesinin icrâ etdiği sanʻata müteʻallik mesâilin halline yardım etmek 7-Hidemât-ı fiʻliye-i askeriyede bulunanlar ile âileleri arasında muhâberât ve mükâtebâtı teşvîk etmek 8-Meʼzûniyet taleb eden efrâdın âilesi hâl ve vazʻiyeti hakkında makâmât-ı askeriyenin taleb etdiği maʻlûmâta cevâb vermek 9-Maʻlûliyetlerine mebnî hizmet-i askeriyeden terhîs edilenlere müfîd öğüdler vermek ve bun-