HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2598 ların sivil hayâta avdetlerinde muhtâc olacakları muʻâveneti dirîğ etmemek 10-Heyʼet-i tıbbiye için teşhîs vazʻını ve tarz-ı tedâvîyi teshîl etmek üzere hastanın hayât-ı sâbı- kası hakkında maʻlûmât istihsâl etmek 11-Nekâhet meʼzûniyetinden istifâde etmek veya yakın akrabâdan birinin ağır hastalığı veya vefâtı hâlinde evlerine gidebilmek için âileleri fakîr olanlara zâbitlerinin tavsiyesiyle ikrâzâtda bu- lunmak 12-Berrî veya bahrî hastahânelerde devre-i nekâhete dâhil olan askerler için eğlenceler tertîb etmek 13-Hastaların iʻâde-i sıhhat ü âfiyetlerini tesrîʻ ve rûhlarını takviye maksadıyla mahallî Salîb-i Ahmer şuʻbe aʻzâsının heyʼet-i tıbbiye ile muntazaman hastahâne koğuşlarını ziyâret etmek 14-Efrâdın vahîm veya uzun süren hastalıklarında âilelerine sıhhat raporları göndermek ve mâ- hiyet ve vehâmet-i maraza nazaran mezkûr raporları sıklaşdırmak 15-Hastalarının nezdine daʻvet edilen akrabâ ve taʻallukâtın istirâhatlerini teʼmîne iʻtinâ etmek 16-Hastalardan âileleriyle bizzât muhâbere etmeğe gayr-ı muktedir olanların muhâberâtını teʼmîn etmek ve âilelere de hastaları için şâtırâne ve şâikâne mektûb yazmalarını tavsiye etmek Faʻâliyet Amerika Salîb-i Ahmeri her sene olduğu gibi bu sene de yeniden aʻzâ kaydı seferberliği münâ- sebetiyle bazı mühim istatistik neşretmişdir. Amerika Salîb-i Ahmeri'nin Cemâhîr-i Müttefika'nın muhtelif şehirlerinde 3.000 şuʻbesi vardır. Efrâd-ı maʻlûleye veya sulh zamânında kuvâ-yı muntazamaya [301] dâhil olup da sakat ka- lanlara (Bunlardan şehrî muʻâvenet görenlerin mikdârı 100.000'dir.) Mütâreke'nin târîh-i akdinden iʻtibâren 53.000.000 dolardan fazla bir meblağ sarf edilmişdir. Amerika Salîb-i Ahmeri'nin İhtiyât Hastabakıcı Heyʼeti 41.000 kişidir. El-yevm hizmet-i fiʻli- yede ziyâretçi hastabakıcılık edenlerin mikdârı 1.000'dir. 1924-1925 senesi zarfında âile hıfzıssıhhası ve hasta tedâvîsi derslerine devâm edenler 67.281'e bâliğ olmuşdur. Boğulanlara tahlîsiye usûlleri ile ilk muʻâvenet için kadın ve erkek olmak üzere 21.000 kişi ye- tiştirilmişdir. Yine müddet-i mezkûre zarfında 1.317.716 cerrâhî pansumanı ihzâr ve 173.822 elbise iʻmâl ve aʻmâlar için Braille hurûfâtıyla 97.450 sahîfe istinsâh edilmişdir. 1924-1925 senesinde Amerika'nın dâhil ve hâricinde Salîb-i Ahmer müessesâtı masârıf yekûnu 10.563.000 dolardır. Bu yekûna dâhil bulunan başlıca erkâm şunlardır: Maʻlûlîne muʻâvenet için 3.442.000 Asâkir-i nizâmiyeye muzâheret 635.000 Âfât ve mesâib-i umûmiyeye muʻâvenet 1.856.000 Ziyâretçi hastabakıcılar tahsîsâtı 1.116.000 İlk imdâd ve muʻâvenet ve tahlîsiye umûru 313.000 Amerika Salîb-i Ahmeri'nin memâlik-i ecnebiye için îfâ etdiği 286.000'lik muʻâvenet yukarıki erkâma dâhil değildir. _______________