HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2599 Salîb-i Ahmer Sergisi Amerika istiklâlinin yüz ellinci sene-i devriyesi şenlikleri münâsebetiyle gelecek Mayıs'da Phi- ladelphia'da bir Salîb-i Ahmer sergisi binâsının inşâsı merkez-i umûmîce kabûl edilmişdir. _______________ Salîb-i Ahmer Pan-Amerikan Konferansı 1926 senesi Mayıs'ında Washington'da ictimâʻ edecek olan Salîb-i Ahmer Pan-Amerikan ikinci konferansı rûznâme-i mesâʻîsi şudur: * Birinci Kısım: Teşkîlât ve propaganda usûlleri hakkında tedkîkât 1-Merkez-i umûmî teşkîlâtı; merkez-i umûmînin vazîfe ve salâhiyeti; Salîb-i Ahmer Cemʻiyet- leri ile kuvâ-yı umûmiye ve hıfzıssıhha ve imdâd ve muʻâvenet mesâili ile meşgûl olan cemʻiyât-ı husûsiye ve beynelmilel müessesât arasındaki münâsebât 2-Merâkiz ve şuʻabâtın vazîfe ve salâhiyeti ve merâkiz ve şuʻabât ile merkez-i umûmî arasın- daki münâsebât 3-Salîb-i Ahmer Cemʻiyetleri aʻzâsının teksîri ve menâbiʻ-i vâridâtının tezyîdi için istiʻmâl edi- lecek usûller; Salîb-i Ahmer Cemʻiyetlerine hükûmetleri tarafından verilen imtiyâzât 4- Salîb-i Ahmer Mecmûʻaları ve Salîb-i Ahmer neşriyâtı * İkinci Kısım: İmdâd ve muʻâvenet husûsunda Salîb-i Ahmer mesâʻîsi 1-Merkez-i umûmîler nezdinde imdâd ve muʻâvenet şuʻbesi teşkîli 2-Âfât ve mesâib hakkında tedkîkât; [302] yapılacak muʻâvenetlere âid ihzârât ve tertîbât 3-Meʼmûrînin taʻlîm ve terbiyesi 4-İmdâd ve muʻâvenete mahsûs malzeme anbârlarının teʼsîsi 5-İmdâd ve muʻâvenet teşkîlâtı; kuvâ-yı hükûmet ve merâkiz ve şuʻabât-ı mahalliye ve hasta- bakıcılar ve Gençlik Salîb-i Ahmeri ile teşrîk-i mesâʻî 6-Millî Salîb-i Ahmer Cemʻiyetleri arasında muʻâvenet-i mütekâbile; felâkete uğrayan mıntıka- ya mücâvir bulunan cemʻiyetlerle teşrîk-i mesâʻî 7-Ciraolo projesinin mevkiʻ-i fiʻle vazʻı için millî Salîb-i Ahmer Cemʻiyetlerinin iştirâki * Üçüncü Kısım: Salîb-i Ahmer ve sıhhatin ıslâhı 1-Etfâlin himâyesi ve çocuk veremine karşı tedâbîr, dispanserler; istişâre mevkiʻleri 2-Mekteb hıfzıssıhhası, yaz kolonileri tertîbi, muʻâyenehâneler vesâire