HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2601 İngiliz Salîb-i Ahmeri Geçenlerde vefât eden İngiltere kralının vâlidesi Kraliçe Alexandra, İngiliz Salîb-i Ahmeri'nin reîsesi ve büyük bir hâmîsi idi. Müteveffiye, Salîb-i Ahmer'in bi'l-cümle mesâʻî ve faʻâliyetine iştirâk etmiş ve ez-cümle has- tahânelerle hastabakıcılara pek ziyâde ehemmiyet vermiş idi. _______________ Sırp-Hırvat-Slav Salîb-i Ahmeri Belgrad Kadınlar Birliği Kadınlar Birliği'nin ellinci sene-i devriyesi teʼsîsi münâsebetiyle Sırp Salîb-i Ahmer Mecmûʻası terbiye ve muʻâvenet sâhasında 1875 târîhinden beri bu müessesenin vücûda getirdiği âsâra dâir bir makâle neşretmişdir. Belgrad Kadınlar Birliği müessisleri, kimsesiz, yetîm kalan kız çocuklara maʻîşetlerini nâmûs- kârâne teʼmîn edecek bir terbiye vermeğe gayret etmiş ve bu gâyeyi dâimâ taʻkîb edegelmişlerdir. Birlik, 1879'da Belgrad'da bir dikiş ve el işleri mektebi teʼsîs etmiş ve binlerce kız çocuğu bu mektebe devâm ederek içlerinden birçokları diğer mekteblere dikiş muʻallimesi olmuşdur. 1882'de hükûmetin talebi üzerine mektebin programı tevsîʻ edilmiş ve 1905'de Beyrut'da açılan diğer bir mek- teb halı destgâhlarıyla şöhret kazanmışdır. Belgrad Kadınlar Birliği'nin tahsîl ve terbiye mesâiline fevkalâde ehemmiyet vermekde oldu- ğundan yetîm ve fakîr çocuklara mahsûs ayrıca bir erkek çocuk mektebi küşâd etmişdir. Bu mektebde zavallı bîkesler iyi bir tahsîl görmekde ve meccânen de iʻâşe edilmekdedir. Birlik, Harb-i Umûmî'de hastahânelere mahsûs bir gönüllü hastahâne heyʼeti teşkîli için tah- sîsât vermiş ve mecrûhîni tedâvî etmek üzere İtalya'dan etıbbâ celb etmiş ve hastahânelere ilâc veya pansuman göndermişdir. Belgrad Kadınlar Birliği'nin Sırp-Hırvat-Slav Salîb-i Ahmer Cemʻiyeti'yle münâsebâtı gâyet samîmîdir. *** Veremle Mücâdele Cemʻiyeti, Gençlik Salîb-i Ahmeri'nin ve Sıhhiye-i Umûmiye Nezâreti'nin muʻâvenet-i fiʻliyesiyle vereme karşı mücâdele için geçen yaz bir propaganda haftası tertîb etmiş idi. Bu münâsebetle mücâdele cemʻiyeti halk konferansları vermiş ve memleketin bütün muʻallim- lerine veremle mücâdele usûllerine dâir yazılmış numûne dersinden birer nüsha göndermişdir. Ço- cuklar da yapdıkları resm-i geçidle ve mekteblerinde icrâ etdikleri tathîrâtla bu propagandaya iştirâk etmişlerdir. _______________ Almanya Veremle Mücâdele Cemʻiyeti Merkez-i Umûmîsi'nin ziyâretçi hastabakıcılar şuʻbesi geçen Teş- rîn-i Sânî'de veremle mücâdele usûllerine dâir şehâdetnâmeli hastabakıcılara mahsûs dört haftalık bir