HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2602 devr-i tedrîs küşâd etmiş idi. Nazarî, amelî ve meccânî olan bu tedrîsâtı taʻkîb edenler meyânında sıh- hiye müfettişeleri, fabrika meʼmûrları, Salîb-i Ahmer ve Alman Kadınlar İttihâdı aʻzâsı gibi şehâdet- nâmeleri olmadığı [304] hâlde ictimâʻî hıfzıssıhha mesâili ile bilfiʻl meşgûl olanlar da görülmüşdür. Alman Salîb-i Ahmeri'nin Bir Filmi Kazâ vukûʻunda yapılacak muʻâvenet-i müstaʻceleyi ve ilk imdâdı halka taʻlîm etmek maksa- dıyla Alman Salîb-i Ahmeri bir sinema filmi aldırmışdır. Projeksiyonu elli beş dakîka devâm eden 1.500 metrelik bu film birçok Salîb-i Ahmer şuʻbeleri, mektebler ve müessesât-ı sınâʻiye tarafından taleb edilmekde olduğundan pek büyük bir muvaffaki- yete mazhar olmuşdur. Film üç kısımdan ibâret olup kesik, tırmık ve yanıkların sûret-i tedâvîsini ve kırıkdan ve burkul- madan muztarib olan kimselerin müdâvâtını ve mağrûkînin tarz-ı ihyâsını göstermekdedir. Alman Salîb-i Ahmeri bu filmin yalnız sinemalarda gösterilmesiyle iktifâ edilmeyerek fabrika amelesine, meʼmûrîn-i zâbıtaya, sıhhiye kolonlarına, erkek hastabakıcılara, Samaritenlere ve mekteb- lerle dârülfünûnlarda verilen derslerin îzâhında da fâide-i azîmesi olacağını ümîd etmekdedir. Bu yeni usûl-i tedrîs az çok her yerde nazar-ı dikkat ve ehemmiyeti celb etmiş ve mevzûʻ-ı ba- his olan film için birçok teşkîlât-ı ecnebiye şimdiden sipâriş vermeğe başlamışdır. Alman Salîb-i Ahmeri, memâlik-i sâire millî Salîb-i Ahmerlerine bu filmi satmak veya hakk-ı temsîlini terk etmek sûretleriyle istifâde teʼmînine âmâde bulunduğunu ve îzâ[hâ]t-ı mütemmime için Berlin'deki merkez-i umûmîsine mürâcaʻat edilmesini iʻlân ediyor. Japonya Japonya Salîb-i Ahmeri Vâlide Yurdu'na târîh-i teʼsîsi olan 1922 senesinden beri berây-ı tedâvî mürâcaʻat eden vâlidelerin ve memedeki çocukların mikdârı 12.513 ve yurdda tevellüdâtı tescîl edi- len nevzâdların adedi 2.750'dir. Kanada Salîb-i Ahmeri'nin 1923 hareket-i arzından müteessir olan vâlidelerle etfâlin tedâvîsi için gönderdiği 156.400 pen ile meme emen otuz çocuğu istîʻâb edecek yeni bir koğuş teʼsîs edile- cekdir. _______________ Romanya Amerika Salîb-i Ahmeri'nin gönderdiği iʻâne-i nakdiye ile Bükreş'de 1924-1925 sene-i ted- rîsiyesi zarfında Ferdinand Mekteb-i İbtidâîsi'ne devâm eden çocuklar için bir dispanserin icrâ-yı faʻâliyeti teʼmîn edilmişdir. Birçok mütehassıs etıbbânın verem, diş, burun, boğaz, kulak, mecârî-i bevliye vesâir hastalık- ların tedâvîsinde çocuklara pek kıymetdâr hizmetleri sebk etmekdedir. Romanya Salîb-i Ahmeri delâletiyle geçen yaz yüz elli çocuk Tekir köyü taʻtîl kolonilerine gönderilmişdir. _______________