HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2603 Norveç 1912 senesinden beri Norveç Salîb-i Ahmeri her sene Mîlâd-ı İsa yortuları münâsebetiyle Salîb-i Ahmer müessesâtı menfaʻatine husûsî pullar fürûht etmekde ve bu sûretle toplanan mebâliğ senede vasatî 22.000 kron hâsılât vermekdedir. Bu pullar, âdî posta pulları makâmında [305] istiʻmâl edilmeyip propaganda maksadıyla mek- tûb ve posta paketlerine ilsâk edilmekdedir. _______________ İsveç Şarkî ve Merkezî Avrupa Memleketleri İkinci Konferansı Viyana'da akd-i ictimâʻ etdiği esnâda "Beşer" nâmıyla tertîb edilen sergi İsveç Salîb-i Ahmeri'nin himâyesi altında Stockholm'e nakledil- miş ve pek büyük bir muvaffakiyete mazhar olarak yirmi bin kron teʼmîn etmişdir. Finlandiya ve Norveç Salîb-i Ahmer kâtib-i umûmîleri mezkûr serginin Helsingborg ve Oslo'ya nakli mümkün olup olmadığını Stockholm'de tedkîk etmekdedirler. *** İsveç Salîb-i Ahmeri'nin geçen Mayıs ayında tertîb etdiği propaganda haftası 560.000 kron yani 3.800.000 frank teʼmîn etmişdir. Bu paradan 450.000 kronu yeni bir hastahânenin masârıf-ı inşâiyesi- ne tahsîs kılınacak ve mütebâkîsi İsveç Salîb-i Ahmer şuʻabâtının ihtiyâcı için muhâfaza edilecekdir. _______________ Gençlik Salîb-i Ahmeri Gençlik Salîb-i Ahmeri'ni teşkîl etmiş olan millî Salîb-i Ahmer Cemʻiyetlerinin cedvel-i esâmî- sini ve bu teşkîlâtın aʻzâ istatistiğini aşağıya derc ediyoruz: Alman - Arjantin 41.668 Avustralya 80.000 Avusturya 140.000 Belçika 27.315 Brezilya - Bulgaristan 53.800 Kanada 93.488 Şili - Kostarika - Kolombiya - Danimarka - Hatt-ı İstivâ 1.020 Estonya 15.504 Amerika 5.596.552