HİLÂL-İ AHMER MECMÛʻALARI / CİLT 6

2617 Beşinci Sene 2 Şaʻbân sene 1344 / 15 Şubat 1926 Numara 54 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Azerbaycan Hilâl-i Ahmer Cemʻiyeti – Şâfi Mikroblar, Yeni Bir Tarz-ı Tedâvî – Tentürdiyod – Nezleler – Nightingale Madalyası – Hilâl-i Ahmer Havâdisi – Salîb-i Ahmerler Havâdisi – Muktebesât – Fransızca Kısmı – İngilizce Kısmı ABONELERİMİZDEN RİCÂ Abone müddetleri hitâm bulan kârilerimizden abone bedellerini doğrudan doğ- ruya İstanbul'da Hilâl-i Ahmer Mecmûʻası Müdüriyeti'ne göndermeleri ricâ olunur. İCTİMÂʻÎ HIFZISSIHHA -27- Lekeli Hummâ Balkan Harbi'nin temâdîsi memleketimizde yeni bir âfetin tanınmasına bâʻis olmuş ve bu hasta- lık Harb-i Umûmî'de bütün Anadolu'da bilhâssa şark cebhesini istîlâ ederek büyük bir felâket zuhûra gelmiş idi. Umûmî seferberliğin cebhelere yığdığı ordulara kış başlayınca savlet eden bu müdhiş âfet Kafkas mıntıkasında şiddetli bir salgın yaparak bütün orduyu tehdîd etmiş ve birçok nizâm-ı harb teşkîlâtını daha harbe girmeğe vakit bırakmadan eritmiş idi. Âfetin bilhâssa etıbbâ, hastabakıcı gibi heyʼet-i sıhhiyeye hücûmu efkâr-ı umûmiyedeki maʻne- viyâta da teʼsîr ederek herkesde bir teşevvüş rûhu husûle getirmiş ve cebheye iltihâk emri alanlarda aksülamel bile tevlîd etmişdir. Hattâ bu cebheye yola çıkanların hastalığa muhakkak tutulacağını nazar-ı iʻtibâra alarak maʻalesef kurbânlık koyun gibi bir nazar atfedenler de görülmüşdür. Bu müdhiş salgın ordudan terhîs edilen ve tebdîl-i havâ alan efrâd ile az zamânda cebhe geri- sine ve memleket dâhiline doğru intişâr etdi. Evvelâ menzil güzergâhlarına, baʻdehû en ücrâ kasaba ve köylere kadar sirâyet ederek gezmedik köy, girmedik ev bırakmadı. Yüz binlerce kurbân vererek harbden dehşetli bir âfet hükmüne geçdi.