HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2622 23- Hilâl-i Ahmer Cemʻiyeti'nin hakîkî uzvu olmayıp da cemʻiyete mâddî veya başka bir sûretle yardım eden şahıslar cemʻiyetin gönüllü yardımcı uzvu hesâb olunuyorlar. Cemʻiyetin idâre teşkîlâtı ise hemen bizimkinin aynıdır: Cemʻiyeti idâre eden teşkîlât: 34-Cemʻiyeti idâre eden teşkîlât iki kısımdır: Merkezî ve mahallî. Cemʻiyetin merkezî teşkîlâtı 1) Cemʻiyetin umûm Azerbaycan vekîller kurultayından, 2) Cemʻiyetin merkezî şûrâsından, 3) Baş idâreden ve 4) Merkezî teftîş komisyasından ibâretdir. Cemʻiyetin mahallî teşkîlâtı: 1) Mahallin cemʻiyet vekîllerinin şûrâsından, 2) Mahallî cemʻiyetin komitelerinden ve 3) Mahallîlerin teftîş ko- misyalarından ibâretdir. 35- Cemʻiyet vekîllerinin umûm Azerbaycan kurultayı senede bir defa baş idâre tarafından daʻvet olunuyor. 36- Kurultayın daʻvet zamânını ve reklâma niyetini cemʻiyetin merkezî şûrâsı taʻyîn ediyor. Kurultayın mekânı Azerbaycan Cumhûriyeti'nin merkezi Bakü şehridir. Kurultayın müzâkerât-ı yev- miyesi baş idârenin ve merkezî teftîş komisyasının maʻrûzaları kurultaydan bir ay evvel iʻlân olun- malıdır. 37- Umûm Azerbaycan kurultayında nümâyendelerin adedi ve iştirâk etmek kâʻidesi merkezî şûrâda karâr ve taʻyîn olunup kurultayda tasdîk olunuyor. Türkiye Hilâl-i Ahmer Cemʻiyeti yeni nizâmnâme-i esâsîsindeki tedkîk komisyonu, merkezî teftîş komisyonu nâmıyla Azerbaycan nizâmnâmesinde ehemmiyetli bir kısım teşkîl ediyor ki, aynen şudur: Cemʻiyetin merkezî teftîş komisyonu bir nefer [317] sadrdan, iki nefer uzuvdan ve iki nâmzed- den (kandidat) ibâretdir. Komisyon, Umûm Azerbaycan Kurultayı tarafından seçilir. Buraya seçilen uzuvlar bir senelik intihâb ediliyor ve cemʻiyetin hiçbir hizmetinde bulunmuyorlar. Merkezî teftîş komisyonu kendi işlerinde kâmilen serbest davranıyor. Kendi salâh didiyle taʻyîn olunmuş vakitlerde (iclâsına da bir defa) iclâs ediyor. Komisyon cemʻiyetin bütün idârelerini ve onla- rın sandıklarını teftîş etmeğe haklıdır. Bu husûsda yazılan âfet merkezi şûrâya takdîm ediliyor ve aynı zamânda komisyon umûm Azerbaycan Kurultayı'na da kendi faʻâliyeti hakkında maʻrûza veriyor. 46- Merkezî teftîş komisyonu uzuvları baş idârenin ve merkezî şûrânın hep iclâslarına maslahat vermek sebebiyle iştirâk edebilir. Cemʻiyetin menâbiʻ-i vâridât faslında havâ, deniz, demiryolu nakliyâtına, pasaportlara mevzûʻ küsûrât-ı munzammaya ve hükûmetin verdiği tahsîsâta merkez-i umûmî heyʼet-i muhteremesinin bilhâssa nazar-ı dikkatini celbe müsâraʻat ederiz. O mâddeleri de aynen aşağıya naklediyoruz: Cemʻiyetin müdâhil ve emlâki (varı) Azerbaycan Hilâl-i Ahmer Cemʻiyeti'nin varı: 1) Seneden seneye verilen uzuvluk hakkı, 2) Husûsî maksad için taʻyîn olunan iʻâne, 3) Kânûna muvâfık yollar ile toplanmış meblağ; havâ, deniz, demiryolu nakliyâtından yığılmış paralar ve aynı zamânda pasaport vergileri ve gayrihî, 4) Kon- sert, müsâmere, leksiya, tiyatro ve sergilerden hâsıl olan paralar, 5) Cemʻiyetin emlâk, ticârethâne vesâir idârelerinden hâsıl olan müdâhil, 6) Neşriyâtın satılmasından vusûl olan nakdiye, 7) Cemʻi-