HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2623 yetin husûsî emlâkı, 8) Azerbaycan Devleti tarafından cemʻiyet için bırakılan husûsî meblağ, 9) Bazı idârelerden vergi sıfatıyla alınan meblağlardan ibâretdir. Hilâl-i Ahmer âilesine doğan yeni hemşîremize an-samîmi'l-kalb muvaffakiyet temennî ederiz. _______________ ŞÂFİ MİKROBLAR, YENİ BİR TARZ-I TEDÂVÎ İstanbul Vilâyeti Hilâl-i Ahmer Merkezi reîs-i muhteremi erkân-ı tahrîriyemizden Doktor Ali Paşa tarafından gönderilmişdir. Zamân-ı keşfinden henüz yarım asır geçdiği hâlde bin türlü tatbîkât ve îzâhât-ı hayâtiyeye se- beb olan ve isminin bile telâffuzu sîmâ-yı sıhhat-şinâsânda bir işmîzâz-ı hirâs-engîz hâsıl edegelen mikrobların bir gün gelip de "şâfi" sıfat-ı mümtâzesine mevsûf olacakları kimin hâtırına gelirdi? Destgâh-ı tabîʻatdaki iyi, fenâ her mevcûddan bir tarîk-ı istifâde bulmağa çalışan fikr-i îcâdkâr-ı be- şer hayât ve sıhhatimizi tehdîdât-ı dâimesi altında titreten mikroblardan da istifâde yolunu bulmağa çalışıyor ve dâimî bir mücâdeleden ibâret olan hâdise-i hayâtiyede mikrobları birbirine düşürmek ve kötüsünü iyisine yundurmak, mahv etdirmek istiyor. Yazdığı kıymetli eserlerle âlem-i fende bir hay- ret-i medîde uyandıran ve fenn-i hayâtın en salâhiyetdâr ulemâsından bulunan müteveffâ İlya Met- chnikoff, temdîd ve idâme-i hayâta dâir o kadar amîk tedkîkât ve mülâhazât serd etmişdir ki, insân gözden geçirdiği o satırların karşısında nisâb-ı hayât-ı beşerin artdığına ve tecelliyât-ı ömrün başka- laştığına kâil olur gibi oluyor. Hikmet ve edebin intisâc ve imtizâcı mahsûlü olan o satırlar arasında nazar-ı dikkati en ziyâde şimdiye [318] kadar ehemmiyet-i şâmilesinden kimsenin haberi olmayan kalınbağırsak ve şâfi mikroblar bahsi celb ediyor. Muʻallim Metchnikoff ve Pierre Vanen'in ileri sürdükleri efkâr ve tedâbîr öyle her gün yüzlerce garîb garîb isimler altında pazar-ı revâca sürüldüğü hâlde pek azından bir istifâde-i müsbete görülen nevzuhûr ilâclar gibi olmayıp esâslı, müessir ve birçok taharriyât ve tecârüb-i fenniyeden muktebes muhassılât-ı mümtâzeden ibâretdir. *** Meçnikof her şeyden ziyâde cihâz-ı hazmîmizin son kısmını teşkîl eden kalınbağırsakları it- hâma çalışıyor ve diyor ki, kalınbağırsaklar yalnız fâidesiz değil, belki de muzır, hattâ son derece muzır bir uzuvdur. Evvelâ mahsûlât-ı hazmiyeyi -ki semdâr bir takım enkâz ve bakâyâ-yı gıdâiyeden mü[te]şekkildir- bedende en azından bir-iki gün kadar tevkîf ederek bütün vücûdu tesemmümât-ı mütenevviʻaya maʻrûz kıldığı gibi kalınbağırsağın kuytu köşelerinde birer nokta-i karâr arayan her- câî mikrobların da yalnız neşv ü nemâlarını değil, belki teʼsîrât-ı muzırralarını dahi teʼmîn ve tezyîd ediyor. Hattâ tûl-i ömürleri darb-ı mesel hükmünü alan ve ân-ı vâpesîn-i hayâtlarına kadar faʻâliyet ve tarâvet-i uzviyelerini muhâfaza eden ve ömürlerinde düşkünlük, ihtiyârlık, ne olduğunu bilmeyen kuşların kalınbağırsakdan âzâde bulunduklarını delîl olarak ileri sürüyor ve kalınbağırsakları olma- saydı insânların da kuşlar gibi tâze ve mutarrâ kalacaklarını ve birçok müzmin ve hâd râhatsızlıklar- dan berî olacaklarını ve niʻam-ı hayâtdan doya doya istifâde edeceklerini ve dem-i pîrînin bütün âlâm u şevâib-i uzviyesinden kurtulmuş bulunacaklarını beyân ve iddiʻâ ediyor.