HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2626 şekerli şeylerden ibâret bir kap yemek ki, buradaki şeker bifidus cürsûme-i şâfiyesinin kolaylıkla neşv ü nemâsını teʼmîne hâdimdir. *** Mâ-hasal Tisye ve Meçnikof'un teʼsîrât-i mesâʻîsi ile rükûdet-i gâitât ve bağırsak bozukluğun- dan ileri gelen hastalıkların sûret-i tedâvîsi büsbütün mühim ve pek yeni bir devre-i terakkîye girmiş- dir. Bu tarîka-i fenniye o kadar vâsiʻdir ki, ileride bu tedâbîrin bütün hazımsızlıklara ve hazımsızlıkla- rın netâyic-i karîbe ve baʻîdesine kemâl-i muvaffakiyetle tatbîk edileceği pek meʼmûl ve muntazardır. Bundan başka, buna karîb daha birçok taharriyât ve tecârüb-i fenniye icrâ kılınmakda ve bun- ların netâyic-i tatbîkiyesinden de beşeriyet-i muztaribenin pek çok fevâid-i sıhhiye ve hayâtiye iktitâf edeceği ümîd edilmekdedir. Doktor Ali TENTÜRDİYOT Tentürdiyod âile eczâhânesinin ilk sırasında ahz-ı mevkiʻ etmeğe cidden lâyık müstahzarât-ı tıbbiyedendir ve bundan daha mühim başka edviye yok gibidir. Tentürdiyod, ispirto içinde halledilmiş maʻdenî iyod billûrâtından hâsıl olan bir mâyiʻdir. [321] Havânın müvellidü'l-humûzası ve hattâ ziyânın teʼsîri tahtında yavaş yavaş tahallül ederek bilâ-mâʼ hâmız-ı iyoda tahavvül etdiğinden muhâfazası oldukça müşkildir. Ziyânın tentürdiyod üzerinde icrâ etdiği teʼsîrât ancak sarı renkli cam kapaklı şişelerle taʻdîl edilir. Mantar kapaklar, şişedeki mâyiʻ ile temâs dahi etmeseler iyodun tebahhurâtıyla bir nevʻ kav hâlini alır ve şişenin içine dökülecek küçük parçalarıyla şişe muhteviyâtının televvüs etmesi gibi mahzûru da tevlîd ederler. Bu sûretle tamâmıyla mesdûd kalmayan şişeye dâhil olacak havâ tentürdi- yodun daha sürʻatle bozulmasına ve havâ-yı hâricî içine intişâr edecek iyod buhârı ise sutûh-ı maʻde- niyeye icrâ-yı teʼsîr etmekle onların parlak cilâlarını soldurmağa sebeb olur. Bu mahzûrlara binâen tentürdiyod şişesini tuvalet odasında bulundurmayarak kapalı, küçük bir dolâbda veya çekmece içinde saklamalıdır. İstiʻmâl edilen bir tentürdiyod şişesinin boş kalacak sath-ı dâhilîsindeki mevcûd havâ tabaka- sına temâs eden iyod her hâlde tahammuz eder ve bu fiʻl-i tahammuzun sürʻati tabaka-i havâiyenin ehemmiyetine mütenâsib olur. Bu îzâhâtdan sonra tentürdiyodun ne gibi ahvâl ve vekâyiʻde ve ne tarzda istiʻmâl edildiğini arz edelim: Tentürdiyod, evvelâ gâyet kıymetli bir musarrıfdır. Bu hâssasından dolayı nezlelerin başlangı- cında, bronşitlerde, iltihâb-ı hancerede, hücûm-ı dem-i kasabîde, sadr, boyun, kürek kemikleri gibi aksâm-ı bedene tatbîk ve tılâ edilir.