HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2627 Tatbîkâtında bir tabaka tentürdiyod kifâyet edebilir. İlk tabaka tamâmen kurudukdan sonra ikin- ci tabakanın tatbîk edilmesi daha kuvvetli bir teʼsîr icrâ eder. Ancak üçüncü bir tabakanın tılâ ve tat- bîki cild-i rakîk üzerinde bir takım yanıklar peydâ eder. Çocukların cildi kâhillerin cildinden daha fazla hassâs olduğundan etfâl için tasnîf edilmiş ten- türdiyod istiʻmâli şâyân-ı tavsiyedir. Tentürdiyod birinci defa sürüldüğü gün, hassâsiyeti nisbetinde cildi az çok müteessir edeceğin- den bugünü taʻkîb eden eyyâmda da tentürdiyodun taʻkîbine devâm etmek lüzûmu varsa cildde hâsıl olacak kabuklar ilâcın icrâ-yı teʼsîrine mâniʻ teşkîl eder. Bunun için birinci defa cildin sathını tamâ- men tılâ etmekden ise cild üzerine bir fırça ile yekdiğerine müvâzî hatlar çizerek fırçanın bırakdığı ve ertesi günü boş bırakılan aksâmı tılâ etmek musîb olur. Tentürdiyod yerine bazen iyodlu pamuk kullanıldığı da vâkiʻdir. Bunda, tayerân eden iyod ya- vaş yavaş terde münhal olarak cild üzerinde hafîf bir sarılıkla az bir nişâne bırakır. İyodlu pamuğun tarz-ı istiʻmâline gelince; pamuk safha hâlinde cildin intihâb edilen kısmına yapıştırıldıkdan ve üzerine bir bez vazʻ edildikden sonra bir sargı ile tutdurulur. Bu sûretle tatbîk edi- len pamuk her gün değiştirilebilir. Bu tarz bilhâssa çocuklar için şâyân-ı tavsiyedir. Tentürdiyod ısıtılmış bir kahve tabağında -gözler muhâfaza edilmek şartıyla- burna çekilmek sûretiyle nezle için fâidelidir. [322] Tentürdiyod, yara ve berelerde, kesik, iğne ve diken cerîhalarında bir defa istiʻmâl edil- mek üzere dezenfeksiyon vazîfesini de îfâ eder. Bir likör kadehi tentürdiyodun bir litre su ile karıştırılmasından hâsıl olan iyodlu su boğaz il- tihâblarında gargara olarak kullanılır. Tentürdiyod sıraca ve dahâme-i guded-i lenfâiye gibi ahvâlde çocuklara dâhilen damla olarak dahi verilir. _______________ NEZLELER Nezle, sık sık ziyâretleriyle birçok kimseler için ehemmiyet ve ciddiyetini unutduran bir râ- hatsızlıkdır. Hâlbuki nezle, mühlik bir zâtürriʼenin veya müzmin bir bronşitin pîşdârı olacağı gibi iltihâb-ı cihâz-ı teneffüsî ve kulak takayyuhu gibi avâkıb-ı müzʻiceyi de daʻvet edebilir. Neşrolunan bazı erkâma nazaran zâtürriʼe vukûʻâtından yüzde 75'i ihmâl edilen nezlelerden ve 1890 senesinde Cemâhîr-i Müctemiʻa'da tutulan bir istatistikde vefeyâtın yüzde dokuzdan fazlası zâtürriʼeden ileri geldiği tahakkuk etmişdir. Nezdelerin sebebi hakkında henüz katʻî ve itmiʼnân-bahş maʻlûmâta mâlik bulunmuyoruz. Fi'l-hakîka birçok mikroblar keşfedilmiş olmakla berâber bunların tenevvüʻü nezlenin âmil-i hakîkî- sini taʻyîne mâniʻ oluyor. İhtimâl ki, mikrobların heyʼet-i mecmûʻası ikinci derecede bir vazîfe îfâ ederken aynı grup içinde mechûl kalan yalnız bir tânesi râhatsızlığın mesʼûliyetini derʻuhde etmiş bulunuyor. Bir mechûle karşı ittihâz-ı tedâbîr pek müşkildir. Ancak, nezlenin bir mikrobdan sirâyet etdiği farz edilince, artık nefesimizi onun izʻâcâtına karşı müdâfaʻaya kudretyâb olacağımız gibi birçok