HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2636 Evvelâ- Çocuklar hakkında gösterilecek dikkat ve ihtimâmı vâlidelere taʻlîm etmek sûretiyle çocukların sıhhatini ıslâh etmek, Sâniyen- Haml esnâsında ve lohusalık devâm etdiği eyyâm zarfında tabîbin taht-ı nezâret ve ihtimâmında bulunmanın lüzûm ve fâidesini anlatmak sûretiyle vâlidelerin sıhhatlerini ıslâh etmek, Sâlisen- Etıbbâ ve hastabakıcılardan herkesin istifâdesini teʼmîn sûretiyle vâlide ve çocuğun sıhhatini himâye etmek. Bu husûsda neşredilen ilk istatistiğe nazaran 1924 ve 1925 senelerinde 600.000 nevzâd ve mek- teb çağına takarrüb etmiş çocuk muʻâyene edilmiş ve çocuk hıfzıssıhhasına dâir 26.353 konferans verilmiş ve vazʻ-ı hamlden evvel taʻkîb edilmesi muktezî kavâʻid-i sıhhiye hakkında verilen 9.600 konferansda 75.000 kadın hâzır bulunmuş ve 40.000 kadın ebelik derslerine devâm ve 162.000 kadın da vâlidelere tahsîs olunan derslerde isbât-ı vücûd etmişdir. 5.000'den fazla "Küçük Anne" kursları tertîb edilmiş, 245 vazʻ-ı hamlden evvel hıfzıssıhha merkezi küşâd ve meme emen çocuklara mahsûs 1.706 istişâre mevkiʻleri teʼsîs edilmişdir. Zikretdiğimiz işbu müessesât-ı muhtelifeye sarf edilen mebâliğ nüfûs başına yüzde birden nok- sân isâbet etmekdedir. *** 1925 senesinde aʻzâ kaydı seferberliği esnâsında bazı şuʻbeler yeni bir propaganda usûlünü tatbîk ve kabûl etmişlerdir. Şuʻbenin bulunduğu havâlîdeki bankalarla bu husûsda akdedilen iʼtilâf- nâmelere bankaların müşterîlerine her ay gönderecekleri hulâsa-i hesâbiyelere nazar-ı dikkati celb edecek şekilde muhtasar ve veciz bir lisânla o havâlî halkına Salîb-i Ahmer'in îfâ etdiği hidemât-ı mühimmeyi [329] hâtırlatan ve Salîb-i Ahmer aʻzâsı olmağa teşvîk eden bir propaganda varakasının leffedilmesi şart ittihâz kılınmışdır. _______________ Belçika Son iki sene zarfında Belçika Salîb-i Ahmer Cemʻiyeti'nin aʻzâsı 60.000 râddesinde tezâyüd et- mişdir. Gençlik Salîb-i Ahmer aʻzâsının mikdârı 40.000'dir. Gençlik Salîb-i Ahmeri'ne 1.427 mekteb sınıfları dâhildir. Gençlik Mecmûʻası ayda 20.000 nüsha tabʻ ve tevzîʻ etmekdedir. Geçen sene 7.500 abonesi olan Belçika Salîb-i Ahmer Mecmûʻâsı bu sene abone mikdârını 10.000'[e] iblâğ etmişdir. Şâyân-ı kayıddır ki, Belçika Salîb-i Ahmeri ancak sıhhî neşriyât ve makâlâtıyla hayât-ı milliye- ye nüfûz etmiş ve Salîb-i Ahmer icrâât ve faʻâliyetinde hükûmet kuvvetlerinin gösterdikleri teveccüh ve alâka cemʻiyete pek büyük fevâid teʼmîn eylemişdir. _______________