HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2637 Yunan Sıtma Mücâdelesi Yunanistan arâzîsinin mühim bir kısmında mine'l-kadîm sıtma mihrâkları mevcûddur. 1913 senesinde Yunanistan'a ilhâk olunan Makedonya kıtʻası zâten bu nokta-i nazardan daha vahîm bir kıtʻa-i arâzîyi muhtevîdir. 1923 senesinden beri Yunanistan'da malaryanın terakkî etmesine Türkiye'den Yunanistan'a nak- ledilen muhâcirlerin muhtelif vilâyetlere iskân edilmesi sebeb olarak gösterilmekdedir. Yunan Salîb-i Ahmer Cemʻiyeti, sıtmaya karşı mücâdele cemʻiyeti ile bi'l-iʼtilâf mevkiʻ-i tatbî- ke vazʻ etdiği bir tahaffuz planında halkın terbiyesini ve kinin tevzîʻini esâs ittihâz etmişdir. Halkın terbiyesi için de her tarafa taʻmîm edilen ihtârnâme ve resâilde anofellerin teşhîsi ve sivrisineklerin vesâit-i imhâiyesi taʻrîf ve irâʼe edilmişdir. Malaryalı menâtık ve havâlî halkına yapılacak sıhhî propagandaları taʻlîm etmek için etıbbâya husûsî dersler verilmekde, fukarâ-yı halka ve ale'l-husûs muhâcirîne kinin tevzîʻ olunmakdadır. Sıtmanın hayât-ı milliyeyi kemiren bir âfet ve bu âfetden ictinâb kâbil olduğunun en emîn bir tarzda ancak gençlik vâsıtasıyla neşr u taʻmîm edilebildiği cihetle Gençlik Salîb-i Ahmeri'nin malarya mücâdelesinde pek mümeyyiz faʻâliyeti görülmekdedir. *** Emrâz-ı Zühreviye Mücâdelesi Yunan Salîb-i Ahmeri malarya mücâdelesinden mâʻadâ emrâz-ı zühreviye mücâdelesi için Pi- re'de bir dispanser küşâd ederek idâresini Singros Hastahânesi Müdüriyeti'ne tevdîʻ etmişdir. Pire Dispanseri posta vapurlarının demirlediği mahal kurbunda kâindir. *** Veremle Mücâdele Veremle mücâdelede Yunan Salîb-i Ahmeri yeni doğan çocukları vereme karşı aşılama usûlü olan Profesör Calmette'in yeni usûlünü tatbîke başlamışdır. [330] Mücâdelede Yunan Pasteur Enstitüsü tarafından ihzâr olunan aşıya mahsûs mikrob kül- türleri istiʻmâl ediliyor. *** Trahom Mücâdelesi Tesalya'da Loryon şehrinde bir trahom dispanseri küşâd edildiğini evvelki nüshalarımızdan birinde haber vermiş idik. Yunan Salîb-i Ahmer Merkez-i Umûmîsi bu dispanserin mazhar olduğu rağbetden gayrete ge- lerek Larissa'da ikinci bir trahom dispanseri daha açmışdır.