HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2638 Trahoma musâb olan mekteb talebesiyle maʻden amelesinin bir nısfından ziyâdesi her gün dis- pansere devâm ederek tedâvîleri icrâ ve ilâcları meccânen iʻtâ kılınmakdadır. Birçok aylardan beri hareketsizliğe mahkûm olan birçok hastalar tedâvî sâyesinde yeniden işe başlamışlardır. Bu husûsda da halkı taʻlîm ve irşâd maksadıyla hummâlı bir faʻâliyet başlamışdır. Mekteblerde trahomlu çocuklar için ayrı sınıflar küşâd olunmuş ve amele arasında sirâyetin menʻi esbâbı taharrî edilmişdir. *** Taʻtîl Kolonileri Vula'da sâhil-i bahrda, bir çam ormanı içinde kâin Asclipéion Hastahânesi'ne geçen yaz mevsi- mi ayrı ayrı kâfile hâlinde bin çocuk gönderilmişdir. Bunların masârıfı bazı cemʻiyât-ı hayriye tara- fından tesviye olunmuşdur. Çocuklar mahall-i mezkûrda açık havâ, deniz ve güneş banyoları ve spor eğlenceleri sâyesinde çok müstefîd olmuşlardır. _______________ Almanya Almanya Salîb-i Ahmer Cemʻiyeti, gençlik spor cemʻiyetleriyle, seyyâh, otomobilist ve müte- nezzihîn vesâireye mahsûs olmak üzere "İlk İmdâd İçin Ceb Eczâhânesi" nâmıyla bir ihtirâʻ meydâna getirmişdir. Bu ilk imdâd kutuları, iki nevʻ olup biri taʻkîm edilmiş bir pansuman ile bir küçük şişe tentür- diyodu bulunan yalnız pansuman malzemesini muhtevî kutudur ki, Samariten ve muʻâvenet cemʻi- yetleri gibi müessesât tarafından istiʻmâl edilmekde ve ikinci nevʻi ise âdî hastalıklardan ekserîsini tabîbe mürâcaʻat etmeksizin tedâvî ve teskîne mahsûs mikdâr-ı kâfi muʻâlecâtı hâvî kutulardan müte- şekkildir. Alman Salîb-i Ahmer Cemʻiyeti'nin muʻâvenet eczâhânesi bu ikinci nevʻdendir. Hâricen küçük kıtʻada (tahmînen 12 x 8 x 3 santim) alüminyumdan maʻmûl bir mahfaza şeklin- de olan bu kutuda âtîde esâmîsi muharrer on beş kalem eczâ vardır: 1-Derûnunda birer gramlık bromür valerian komprimeleri bulunan küçük bir tüp 2-Derûnunda yarımşar gramlık şahm-ı hayvânî komprimeleri bulunan bir tüp 3-Derûnunda 0,50 gram aspirin komprimeleri bulunan bir tüp 4-Derûnunda küçük cachou tabletleri bulunan bir tüp [331] 5-Acétate dʼalluminumu hâvî bir tüp 6-Bourdaine komprimeleri, bir tüp 7-Vaseline boriqueéyi hâvî bir tüp 8-Bir küçük şişeyi hâvî bir tüp