HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 54 2639 9-Bir küçük pansuman 10-Bir küçük paket taʻkîm edilmiş pamuk 11-Bir paket gaz 12-Haşerâtın sokmasına karşı bir kalem 13-Bir kese derûnunda yakılar 14-İki büyük emniyet iğnesi 15-Sâlifü'z-zikr edviyenin tarz-ı istiʻmâliyle alınacak mikdârı gösterir bir îzâhnâme. Bu ceb eczâhânesini teşkîl eden ilâclardan hiçbiri mevâdd-ı semmiyeyi hâvî olmadığı gibi re- çeteye hâcet kalmaksızın tecdîd de edilebilir. _______________ Fransa Fransa'da Vereme Karşı Millî Müdâfaʻa Komitesi, İsviçre ve Norveç'de olduğu üzere Mîlâd-ı İsa ve yılbaşı yortuları münâsebetiyle husûsî pullar mevkiʻ-i tedâvüle vazʻ etmişdir. Bu pulların fürûhtu şimdilik yalnız Meurthe-et-Moselle eyâletine hasredilerek istihsâl edilecek netâyic, memnûniyet-bahş olduğu takdîrde gelecek sene bütün Fransa'ya ve hattâ müstaʻmerâta tat- bîki derpîş edilmişdir. Mezkûr pul, medeniyetin vereme karşı mücâdele timsâli olan bir muzâʻaf salîb ile müzeyyen bir şekl-i rumûzîde tasvîr edilmiş olan hıfzıssıhhanın himâye etdiği bir çocuğu arz etmekdedir. Vereme Karşı Müdâfaʻa Millî Komitesi, bu pul ile biri veremin tahrîbâtına karşı müdâfaʻa fikri- ni taʻmîm ve diğeri derʻuhde etdiği mücâdeleyi yaşatabilmek için lüzûmu olan sermâyeyi cemʻ etmek gibi iki maksadı taʻkîb ediyor. MUKTEBESÂT Gençlikde Gıdâ Mesʼelesi Türk çocuklarından birçoğu kâfi mikdârda gıdâ alamıyor. Bunun fâciʻa ile nihâyetlendiğine binlerce şâhid vardır. Gıdâ mesʼelesini ihmâl etmemelidir. Bedenen marîz ve sıska olan bir gençde fikir selâmeti ve irâdî metânet aramak bîhûdedir. Ne eski Roma ve Ispartalılar gibi yalnız beden terbiyesine ehemmiyet verip fikrî tekâmülü ihmâl ede- lim ne de yalnız zihnin temâsıyla uğraşıp sıhhat ve beden cihetini unutalım. Sıhhat mefhûmunun medlûlü ancak fikir ve beden sağlamlığıdır. Binâenaleyh hayâtın en heyecânlı ve buhrânlı bir devri olan gençlik çağında gıdâ mesʼelesine ehemmiyet vermek memleketin yarını için düşünmeğe mec- bûr olduğumuz hakîketlerdir. Geçen yaz toplanan terbiye-i etfâl kongresinde tahsîl yaşındaki çocuk ve gençlerimizde gıdâ mesʼelesi de mevzûʻ-ı bahis edilmiş ve bu işlerle meşgûl olmak üzere bir de komisyon ayrılmışdı. Bu komisyon ilk mekteblerde topladığı istatistiklerde on bine yakın memleket evlâdının kâfi gıdâ alamadığı hakîkat-i müellimesiyle karşılaşmışdır. Mesleğimiz iʻtibârıyla temâs