HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2659 Bu sindeki çocuklar artık mektebe devâm etmekde ve mütezâyid bir şuʻûrî meleke ve irfân ile hıfzıssıhha kavâʻidine riʻâyet etmiş olacaklardır. Nisbet-i vefeyât mekteb çocuklarında binde 5-6 râddesinde olup ekseriyâ difteri, kızıl, zâtür- riʼe, verem, tifo, yanma, boğulma, araba ve otomobil kazâları gibi esbâbdandır. Memleketin bütün mütefekkirîn, münevverân, eʻâzım ve güzîdelerine bu fâciʻanın oynandığı sahnede mühim birer vezâif isâbet eder ve bu vezâifi bugün derpîş ederek hakkıyla îfâ etmeğe başlar- sak ensâl-i âtiyeden nesl-i hâzıra çıkarılacak sayha-i şükrânı ancak bir asır sonra işitebiliriz. Binâberîn, el birliği ile evvelâ memedeki çocuklara âid takrîbî bir istatistik meydâna çıkarılmalı ve ondan sonra çocuk vefeyâtına karşı mücâdele esâsâtı ihzâr edilmelidir. Bu mücâdele mâddî olmakdan ziyâde rûhî olup efkâr, şuʻûrda teceddüd, îmân ve inkılâb ile husûl-pezîr olur. Evvelâ ana baba memleketin mevcûdiyetini tehdîd eden bir âmile iʻtikâd edecekler ve bu teh- likenin önüne geçmek için meydâna getirdikleri yavruların hayâtına dört el ile sarılmış olacaklardır. Çocuklarını mümkün olduğu kadar doktorlar doğurtacak ve ebelerimize fennin yeni gavâmızı öğretilecek ve bu meyânda asrî ebeler yetiştirilerek peyderpey memleketin dört bir tarafına gönderil- mesi teʼmîn edilecekdir. Vilâyât, kazâlarda nüfûsun derecesine göre vilâdethâneler teʼsîs edilerek doğum esnâsında ve doğumu müteʻâkib günlerdeki vefeyâtın önüne geçilecek ve buraya fakîr, bîkes vâlidelerle usret-i vilâde vekâyiʻi meccânen kabûl olunarak tedâvî edilecekdir. Her annenin yavrusunu emdirmesi husûsunda konferans, propaganda, istatistik gibi vesâite mürâcaʻat edilerek mümkün olduğu kadar irzâʻ-ı sınâʻînin intişârına mâniʻ olunmalı ve zaʻîf, fakîr annelere karşı hükûmet ve belediye büdcelerinin rahm ü şefkat kapıları açılmalıdır. Bununla berâber vâlidelere çocuk büyütmek, çocuğu tağdiye ilh. hakkında basît ve amelî maʻlûmâtı telkîn etmek ve sıhhatin, hayâtın kıymet ü kadrini anlatarak yavrunun herhangi bir râhat- sızlığında hekîme, çocuk mütehassısına mürâcaʻatı usûl ittihâz etmek lâzımdır. İrzâʻ-ı sınâʻî mecbûriyetinde Pasteur usûl-i taʻkîmini tatbîk ederek süt sebîlleri (damla) ihdâs ve bu meyânda sütnineliğini kontrol etmek de en mühim birer âmil sayılırlar. El-hâsıl, çocuk vefeyâtına karşı mücâdele dünyânın hitâmına kadar pâyidâr olmak ve müstakil yaşamak azminde olan devlet ve milletin taʻkîb edeceği yegâne düstûr mâhiyetindedir. Basît olduğu kadar müsellem olan âtîdeki istatistikler çocuk vefeyâtının ne gibi ictimâʻî avâmi- lin taht-ı teʼsîrinde olduğunu pek açık bir sûretde göstermekdedir. [346] Meskenlerin Tarzına Göre Çocuk Vefeyâtı 1 İskân Şerâiti Çocuk Vefeyâtı Temiz ve kuru 105 Temiz, râtıb 127 Az temiz, fakat kuru 171 1 Bu nisbetler, hep bindedir.