HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2666 gibi beyâz kitle hâlinde şeffâf ve bî-şekil cisimlerdir ki, seksen-doksan derece santigratda müzâb olup bürûdetle tasallüb ederler. Miʻde fiʻl-i hazm esnâsında elyâf-ı adaliyesinin [351] takallüsâtı sâyesinde bir takım harekât-ı mahsûsa icrâ ederek mevâdd-ı meʼkûleyi usâre-i miʻdeviye ile temâs etdirerek yoğurur ve hazmın tamâmını müteʻâkib yine adale-i miʻdeviyenin takallusâtı yardımıyla muhtevî-i miʻdeyi keymus hâ- linde dessâm-ı bevvâbîyi tazyîk ederek miʻâ-i isnâ aşere sevk eder. Bir alâmet-i gayr-ı tabîʻa olup muhtevî-i miʻdenin aşağıdan yukarı meriye doğru sevk ve ihrâcından ibâret olan kay esnâsında ise elyâf-ı miʻdenin dahl ü teʼsîri olmayıp fiʻl-i münʻakis-i mezkûr mücerred hicâb-ı hâcizle adalât-ı bat- niyenin takallusu mahsûlüdür. AMERİKA'DA ETIBBÂ VEFEYÂTI Neşredilen resmî bir istatistiğe nazaran 1925 senesinde Cemâhîr-i Müttefika-i Amerika'da 2.483 tabîb vefât etmişdir. Etıbbânın mecmûʻ mikdârı 147.010 olduğuna nazaran senevî vefeyât nisbeti binde 17,2 olmuş oluyor. Vefât edenlerden; 21'i otuz yaşından aşağı 119'u 31-40 yaşında 368'i 41-50 yaşında 560'ı 51-60 yaşında 665'i 61-70 yaşında 489'u 71-80 yaşında 207'si 81-90 yaşında 18'i 91-100 yaşında 1'i 107 yaşında Vefeyâtın aʻzamî mikdârı 66-67 yaş arasına isâbet ediyor. Esbâb-ı vefeyât olarak başlıca; 872 doktor Cihâz-ı deverânî ve kalb hastalığından 278 doktor Cihâz-ı teneffüsî (verem-i dâhil) hastalığından 227 doktor Cihâz-ı bevlî ve tenâsülî hastalığından 108 doktor Cihâz-ı hazmî hastalığından 118 doktor Kanser hastalığından 73 doktor Cihâz-ı asabî hastalığından vefât etmişlerdir. Bundan mâʻadâ; 40 doktor Otomobil kazâsı 14 doktor Sükût 7 doktor Denizde boğulma