HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2669 Heyʼet-i ictimâʻiye ve âlem-i tabâbet bu âfete karşı tamâmen vesâit-i müdâfaʻadan mahrûm olmamakla berâber müessir ve aynı zamânda muʻayyen ve serîʻ usûl-i tedâvîye henüz mâlik bulun- madığımızı iʻtirâf etmeliyiz. Vâfi ve şâfi nokta-i nazardan yapılması mümkün olan şeyler şunlardır: 1-Trahomun vahîm ve pek sârî bir hastalık olduğu fikrinin neşr u taʻmîmi 2-İlletden tahaffuz çâreleri olarak mevâdd-ı âtiyenin taʻlîmi a) Tavattun etmek üzere bir memlekete dâhil olacak trahomlu muhâcirlerin hudûdlarda tevkîfi b) Memleket dâhilinde trahomluların tecridi (Mekteblerle ordularda trahomluların ayrıca sınıf ve cüzlerde cemʻi) c) Âile efrâdının yekdiğerini öpme ve okşamasının menʻi ve el ve vechin ve şahsî çamaşırların temiz tutulması gibi ittihâz edilmesi lâzım gelen tedâbîrin taʻlîmi. Hastanın akrabâ ve taʻallukâtı ve sirâyet tehlikesine maʻrûz bulunan bi'l-cümle eşhâs her gün gözlerine kırkda bir nisbetinde gliserinli kibrîtiyet-i nühâs mahlûlünü damlatması d) Her yerde sineklerden tahaffuz Sineklerin tekessürüne mâniʻ olmak için süprüntü ve gübrelerin ve umûmiyetle kâbil-i tefessüh bi'l-cümle mevâddın meskenlerden uzaklaştırılması Sineklerin imhâsı için de mesâkinin cidâr ve zemîninin dezenfekte edilmesi Vesâit-i şafiye: 1-Trahomlu mihrâklarda hastaları taharrî ederek meydâna çıkarmak ve sonra bir sistem dâhi- linde taht-ı tedâvîye almak Bidâyetde tedâvî edilen hastalar daha kolay şifâyâb olurlar. Vahîm olan ihtilâtâtın ancak bu sûretle önü alınır. 2-Vesâit-i tedâvî mutlak emrâz-ı ayniye mütehassısları tarafından tatbîk edilmelidir. Tedâvînin teʼsîri katʻîdir. Âfet nüks edebilir ve fakat tedâvîye muntazaman devâm eden maʻlûlînin bir kısm-ı mühimmi kurtarılmakdadır. 3-Beledî bir hâlde icrâ-yı hükm etdiği menâtık ve havâlîde âfetden en ziyâde müteessir olan fukarâ sınıfının meccânen tedâvîsini teʼmînen trahomlulara mahsûs dispanserler teʼsîs edilmelidir. Nitekim İtalya, Yunan Salîb-i Ahmer Cemʻiyetlerinin açdıkları dispanserlerin pek büyük hizmetleri görülüyor. TOKYO KONFERANSI Japon Salîb-i Ahmeri'nin daʻveti üzerine Tokyo'da 1926 senesi Teşrîn-i Sânî'sinde Aksâ-yı Şark Memleketleri İkinci Salîb-i Ahmer Konferansı ictimâʻ edecekdir. Yevm-i ictimâʻ Japon Salîb-i Ahmeri'nin teessüsü târîhinin ellinci devr-i senevîsine tesâdüf edecek olan bu konferans 23 Teşrîn-i Sânî'de hitâm bulacakdır.