HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2670 Amerika, Avustralya, Çin, Hind-i Çinî, Hindistan, Japon, Hindistan Felemenki, Yeni Zelanda, Siyam Salîb-i Ahmerleri resmî murahhaslarını iʻzâm etmeğe daʻvet edilmişlerdir. Cemʻiyet-i Akvâm, Beynelmilel Mesâʻî Kalemi, Beynelmilel Salîb-i Ahmer Merkez Komi- tesi, Beynelmilel Verem ve Beynelmilel Emrâz-ı Zühreviye Birlikleri, Hastabakıcılar Beynelmilel Meclisi, Rockefeller Müessesesi, Derecât-ı Tâliye Tedrîsâtı Beynelmilel Muʻallimler Cemʻiyeti gibi cemʻiyetler berây-ı istişâre medʻuv bulunmakdadır. Tokyo Konferansı'nda mevzûʻ-ı bahis olacak mevâd ber-vech-i âtîdir: 1-Mesâil-i umûmiye 1-Millî Salîb-i Ahmer Cemʻiyetleri tarafından teksîr-i aʻzâ ve menâbiʻ-i vâridâtın tezyîdi mak- sadıyla yapılacak propaganda, 2-Hükûmet devâiriyle ve sâha-i faʻâliyetleri Salîb-i Ahmer'in faʻâliyet sâhasıyla temâs eden resmî ve husûsî müessesât-ı muhtelifenin Salîb-i Ahmerlerle teşrîk-i mesâʻîsi, 3-Salîb-i Ahmer Cemʻiyetleri ile aksâ-yı şark arasında daha sıkı, daha müessir bir tarzda tev- hîd-i mesâʻîye hâdim-i münâsebât teʼsîsi için vesâit. 2-Bir felâket vukûʻunda muʻâvenet a) Her millî Salîb-i Ahmer Merkez-i Umûmîsi'nde muʻâvenet mesâiline meʼmûr olan şuʻbe veya merkezin vezâifi: Faʻâliyet ve muʻâvenetlere dâir ilmî tedkîkât b) Hastabakıcı, Gençlik Salîb-i Ahmeri vesâirenin faʻâliyetine meʼmûr olan şuʻbe veya merkez- lerin ve mahallî Salîb-i Ahmer Komitesi'yle hükûmet ve be-tahsîs muʻâvenet teʼsîsâtının, muʻâvenet tertîbât-ı mütekaddimesi c) Meʼmûrîn ve müstahdemîn teşkîlâtı d) Malzeme ve stok e) Beynelmilel Muʻâvenet İttihâdı Nizâmnâme-i Esâsîsi 'nde zikrolunan prensiplere tevfîkan im- dâd ve muʻâvenetin esâsât-ı mâliyesi 3-Muhtelif millî cemʻiyetler arasında ve bilhâssa aynı coğrafî mıntıka dâhilinde bulunan cemʻi- yetlerin teşrîk-i mesâʻîsi a) Konferansda temsîl edilen memleketlerle beynelmilel sâhada emrâz-ı zühreviyeye, men- viyâta karşı mücâdele b) Millî Salîb-i Ahmerler tarafından dispanserler, sanatoryumlar ve buna mümâsil diğer hıfzıs- sıhha teʼsîsâtı teşkîli c) Çiçek, tifo, dizanteri, difteri, kolera, vebâya karşı aşı tatbîkâtı