HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2675 mahsûsa maʻrifetiyle yirmi beş bin kıyye kömür ve altı bin kıyye pirinç tevzîʻ olunmuşdur. İki ay evvel Germencik nâhiyesinde vukûʻa gelen seylâb hasebiyle hâneleri harâb ve bi'l-umûm eşyâ ve zehâiriyle hayvânâtı mahv olduğundan aç ve çıplak bir hâlde açıkda kalmış olan üç bini mü- tecâviz nüfûsun derhâl imdâdına şitâb edilerek çadır, erzâk, elbise ve çamaşır tevzîʻ edilmiş ve nak- den de muʻâvenetde bulunulduğu gibi sûret-i mahsûsada gönderdiğimiz meʼmûrlarımız maʻrifetiyle esbâb-ı istirâhatleri kâmilen teʼmîn olunmuşdur. Muhterem Beyler! Heyʼet-i merkeziyemiz yapdığı bütün bu yardımlarıyla masârıf-ı idâresi için elli üç bin küsûr lira sarfiyâtda bulunmuş ve bundan başka geçen seneki raporumuzda îzâh etmiş olduğumuz hastahâ- ne binâsı ile ittisâlindeki arsaların maʻa-masraf on dört bin liraya karîb olan istimlâk bedelâtı teʼdiye edilerek tapu senedleri alınmış ve merkez-i umûmîye de nakden on bin lira irsâlâtda bulunulmuşdur. Cemʻiyetimize bir vâridât menbaʻı küşâd etmek emeliyle mübâyaʻa etdiğimiz bu hâne ve arsa- lar el-yevm cihet-i bahriyenin taht-ı işgâlinde olup bir seneden beri müteʻaddid teşebbüsâta rağmen henüz tahliye ve tesellümüne imkân bulunamamışdır. Sene-i Âtiye Büdcemiz Muhterem Beyler! Rûznâme müzâkerâtımıza dâhil bulunan sene-i âtiye büdcemizi 92.890 lira vâridât, 40.000 lira masârıfât olarak tesbît etdik. Vâridât kısmını teşkîl eden aksâmın kısm-ı aʻzamı muhammen ve teşebbüsât-ı husûsiye ile elde edilecek hâsılâtdan olmakla berâber senelerden beri bi't-tecrübe hâsıl olan kanâʻatimiz esbâb-ı mâniʻa zuhûr etmediği takdîrde bu sene yapılacak teşkîlât-ı mahsûsa ile büdcemize mevzûʻ makâdîrin teʼmîn edebileceği merkezindedir. 92.890 lira vâridât-ı muhammeneye karşı dispanserlerin masârıfât-ı umûmiyesiyle masârıf-ı idâre olarak taʻyîn ve takdîr olunan kırk bin lira masraf her ne kadar vâridâta nisbetle nizâmnâmenin 123'üncü mâddesiyle kabûl olunan yüzde kırkı tecâvüz etmekde olduğu görülmekde ise de büdce- mize mevzûʻ vâridât yalnız İzmir şehrine âid olduğundan şuʻabât vâridâtlarının da ilâvesi hâlinde nisbet-i muʻayyenenin tecâvüz etmeyeceğini [362] ümîd ediyoruz. Bu sebeble büdcemizin vâridât ve masârıfât mâddelerinin yegân yegân tedkîk ve müzâkeresiyle tasdîkini arz eyleriz. Vâridât Menbaʻlarımız Büdcemizin tedkîkinden anlaşılacağı vechile vâridâtı teşkîl eden mâddelerin aʻzâ-yı âmilenin vereceği mikdârdan mâʻadâsı kâmilen ihtiyârî ve zuhûrâta tâbiʻ aksâmdan olduğundan masârıf-ı idâ- renin vâridâtın yüzde kırk ile teʼmîni için evvel emirde aʻzâ-yı muʻâvine ve âmile mikdârının tezyîdi, sâniyen her sene birkaç cemʻiyet arasında münâzaʻun fîh bir vazʻiyetde kalmakda olan kurbân derileri dercinin katʻî bir esâsa rabtıdır. Cemʻiyetin nezâhet ve ulviyetiyle mütenâsib her sene iʻtâsı mukarrer olan bir-iki müsâmerenin bahşedeceği fevâid, memleketin vazʻiyet-i iktisâdiyesiyle alâkadar oldu- ğundan bu husûsdaki mikdâr katʻiyen tesbîti mümkün olmamakla berâber birkaç senelik tecrübele- rimize istinâden bu sene büdcemize mevzûʻ mikdârın fazlasıyla teʼmîn edilebileceğini ümîd ederiz. Cemʻiyete dâimî menâbiʻ-i vâridât taharrîsinden geri durmamakda olan heyʼet-i merkeziyemiz- ce vârid-i hâtır olan iki kalem vâridâtı tedkîk ve müzâkerenize arz ediyoruz.