HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2676 Birincisi, yüksek ikrâmiyeli umûmî bir piyango tertîbi İkincisi, memleketimizde mebzûlen mevcûd olduğu hâlde istifâde-i umûmiyeye arz edilen menbaʻ sularıdır. Piyango, maʻlûm-ı âlîleridir ki, memleketimizin öteden beri şevk ile rağbet gösterdiği mühim bir vâridât menbaʻıdır. Emniyet-i tâmmeyi hâiz bir şekilde tertîbât ve teşkîlâtı yapılacak olursa mû- cib-i istifâde olacağı şübhesiz olduğundan esâs iʻtibârıyla şâyân-ı kabûl görüldüğü takdîrde heyʼet-i muhteremelerinin bu husûsda ittihâz buyuracağı karâr merkez-i umûmîye arz u işʻâr kılınarak îcâbı taʻkîb olunur. Menbaʻ sularına gelince; doğrudan doğruya merkezimiz nâmına vâridât teʼmîn edebilecek hâ- len iki menbaʻ vardır. Biri Alaşehir maʻden suyu, diğeri Urla civârındaki İçme nâmıyla maʻrûf sudur. El-yevm bir şirketin taht-ı idâresinde bulunan Alaşehir maʻden suyu herkesin hâhişle rağbet gösterdi- ği bir su olduğu hâlde masârıf-ı istihsâliyenin fazlalığı hasebiyle şirkete matlûb vechile fâide teʼmîn edememekde olduğundan cemʻiyetimize devri için bir mürâcaʻat vukûʻ bulmuşdur. Heyʼet-i merkezi- yemiz bu husûsda yapdığı tedkîkâtda masârıf-ı istihsâliyenin fazlalığının levâzımın fazla bir bedelle şirkete mâl edilmiş olmasından ve birçok tekâlîf ile mükellef bulunmasından ileri geldiğine kanâʻat getirmiş ve cemʻiyete devri hâlinde bir kiloluk bir şişenin İzmir'e kadar kaça mâl olabileceğini de tedkîk etmişdir ve bu tedkîkâtımızda vâsıl olduğumuz netîce şirkete 35 kuruşa mâl olan beher şişenin cemʻiyetimize 20-22 kuruşa mâl olabileceği ve bu sebeble harc-ı âlem olabilecek bir bedelle piyasada fürûhtu teʼmîn edilerek cemʻiyete senevî mühim vâridât getirecek bir menbaʻ elde edilmiş olacağı an- laşıldığından heyʼet-i muhteremelerinin tasvîbine iktirân etdiği takdîrde bu husûsdaki muʻâmelenin îfâ ve intâcı için heyʼet-i merkeziyeye iʻtâsını arz ederiz. İçme nâmıyla maʻrûf su maʻlûm-ı âlîleridir ki, miʻde ve bağırsak râhatsızlıkları için mücerreb [363] bir sudur. Muhâsebe-i husûsiyeye âid olup mebânîsi muhterik olmasından dolayı hâlen metrûk bir hâlde bulunan bu menbaʻ suyunun istifâde-i umûmiyeye arzının hem bir hizmet hem de mûcib-i menfaʻat olacağını nazar-ı dikkate alan heyʼet-i merkeziyemiz, bu husûsda da tedkîkâtda bulunmuş- dur. Letâfet-i mevkiʻiyesiyle şöhret-şiʻâr olan bu su muhâsebe-i husûsiyeden uzun bir müddetle istî- câr edilerek menbaʻında esbâb-ı istirâhati câmiʻ pavyonlar, eğlence mahalleri vesâire gibi menâbiʻ-i vâridât vücûda getirilecek olursa teʼmîn-i menâfiʻinin mümkün olabileceğine kanâʻat hâsıl edilmiş- dir. Bunlardan mâʻadâ Kula ve Ahmedli'deki maʻden suları da vardır. Binâenaleyh heyʼet-i merkezi- yemizin hâlen vârid-i hâtırı olan menâbiʻ-i vâridât bunlardan ibâretdir. Gerek bunların gerek heyʼet-i muhteremelerinin vârid-i hâtırı olacak menâbiʻ-i vâridâtın tedkîk ve müzâkeresiyle karâr-ı katʻîye iktirân etdirilmesini ricâ ederiz. Bu sene İstanbul'da ictimâʻ etmiş olan Hilâl-i Ahmer konferansınca tevhîd-i mesâʻî esâs kabûl edilmiş olmasına mebnî şimdiye kadar müstakillen îfâ-yı vazîfe etmekde olan hanımlar merkezleriyle şuʻbeleri lağv edilmiş ve on iki aʻzâdan mürekkeb olan erkekler merkezi on beşe iblâğ edilmişdir. Bu sebeble noksânı ikmâlen ve merkez-i umûmîden vukûʻ bulan teblîğâta tevfîkan şimdiye kadar pek kıymetdâr hizmetlerini görmekle mübâhî bulunduğumuz mülgâ hanımlar heyʼeti aʻzâsı meyânından keşîde olunan kurʻa Sâbire Yunus, Nerime Süleyman, Nakiye Halil ve Saadet Esad Hanımefendilere isâbet etmiş ve mûmâileyhimânın heyʼetimizle tevhîd-i mesâʻî ederek vazîfe-i hayriye ve insâniyele- rini îfâya sâʻî bulunmuş olduklarını arz eder ve rûznâme-i müzâkerâtımıza dâhil mevâddın müzâkere ve intâcını ricâ ile temennî-i muvaffakiyet eyleriz.