HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2681 el işlerinden mürekkeb bir sergi ihzâr olunmakdadır. Samsun'un hamiyetli ve müşfik hanımlarının Hilâl-i Ahmer'e [366] karşı gösterdikleri alâka ve yardım bir lisân-ı minnet ve şükrânla yâda sezâdır. Hilâl-i Ahmer Cemʻiyeti Heyʼet-i İdâresi müsbet ve muʻayyen bir program dâhilinde çalışmakda ve muhterem halkımızın gösterdiği alâka dolayısıyla müsmir ve fâideli netîceler elde edeceğine kuvvetle kâniʻ olmakdadır. Senelerden beri memlekete büyük ve kıymetli hizmetlerde bulunan her Türk ve müslümân kardeş ve hemşîrelerimizin aʻzâ kaydolunmaları ve herhangi sûretde olursa olsun, yar- dımda bulunmaları bir vazîfe-i milliye ve dîniyedir. Çünkü Türkiye Hilâl-i Ahmeri her Türk'ün ve müslümânın iftihâr edeceği bir şefkat ve insâniyet ocağıdır. Ahâlî _______________ Hilâl-i Ahmer Mütâlaʻa Salonu Samsun'da Saathane Meydânı'nda mukaddemâ Müdâfaʻa-i Hukûk Cemʻiyeti'nin bulunduğu binâ bu kere Hilâl-i Ahmer Cemʻiyeti tarafından müceddeden tefrîş edilerek Hilâl-i Ahmer Mütâlaʻa Salonu olarak halka küşâd edilmişdir. _______________ Adana Dispanseri Şubat 1926 zarfında Adana Dispanseri'ne mürâcaʻat eden 996 nefer muhtâcînin meccânen te- dâvîsi icrâ kılınmışdır. _______________ Erbaa Erbaa Hilâl-i Ahmer aʻzâsından otuz zâtın iştirâkiyle icrâ kılınan intihâbâtda esâmîsi zîrde mu- harrer zevât, heyʼet-i idâre ve faʻâle için ihrâz-ı ekseriyet eylemişlerdir: * Reîs: Hacı Yunuszâde Abdullah Bey * Kâtib: Seyyidzâde Süruri Bey * Veznedâr: Hacı Durmuşzâde Salim Bey * Aʻzâ: Belediye Reîsi Ali Bey * Aʻzâ: Hacı Yunuszâde Mehmed Bey * Aʻzâ: Kikinzâde Ziya Bey * Aʻzâ: Reji Muhâkemât Meʼmûru Ziya Bey * Aʻzâ: Fazlıoğlu Rasim Bey _______________ İstanbul Merkezinin Fakîr Çocuklara Yardımı İstanbul Hilâl-i Ahmer Merkezi Aksaray'da kâin Yirmi Üçüncü İlk Mekteb fakîr talebesine sı- cak çorba ve yemek tevzîʻ etdirmişdir. İstanbul merkezi, fırsat buldukça fakîr talebesi çok olan diğer mekteblere de aynı sûretle sıcak yemek tevzîʻ etdirecekdir.