HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2685 SALÎB-İ AHMERLER HAVÂDİSİ İngiliz Salîb-i Ahmer Kütübhânesi'nin 3 Kânûn-ı Sânî'de İngiltere'de neşretdiği hitâbeye cevâben hastahânelerde taht-ı tedâvîde bulunan marzâ için kırk sekiz sâʻat zarfında 20.000'den fazla kitâb ve mecmûʻa irsâl edilmişdir. Hâfız-ı kütübden alınan maʻlûmâta nazaran teberruʻ edilen kitâbların yüzde doksandan fazlası yeni ve birçoğu ciddî bir kıymeti hâizdir. Târîh-i teessüsü ancak altı seneye resîde olan bu kütübhâne el-yevm 1.603.757 kitâb ve mec- mûʻaya mâlik olup bunlardan 1.254.603 eser, dest-i mütâlaʻada gezmekdedir. Geçen sene 1.644 hastahâne, sanatoryum ve sıhhat yurdu bu kütübhâneden müstefîd olmuşdur. _______________ Danimarka 27 Nisan'da ellinci sene-i devriyesini tesʻîd edecek olan Danimarka Salîb-i Ahmeri yevm-i [370] mezkûru Salîb-i Ahmer günü olarak intihâb etmişdir. Danimarka Hükûmeti, Salîb-i Ahmer'in hedef-i mesâʻîsinin vüsʻat ve ehemmiyetine karşı per- verde etdiği hürmet ve teveccühün âsâr-ı fiʻliyesi olarak Salîb-i Ahmer menfaʻatine bir piyango tertî- bine müsâʻade etmişdir. _______________ Çekoslovakya Çekoslovakya Salîb-i Ahmeri'nin sulh mesâʻîsini hulâsaten aşağıya derc ediyoruz: Taʻtîl Kolonileri- Salîb-i Ahmer şuʻbeleri veremin taht-ı tehdîdinde bulunan 1.850 çocuk için taʻtîl zamânında 36 koloni teʼsîs etmişdir. Bu kolonilerin yirmi beşi mekteblerde, ikisi çadırlarda, altısı Salîb-i Ahmer müessesâtında ve diğer üçü muhtelif evlerde teessüs edilmişdir. Salîb-i Ahmer'in bu kısım faʻâliyetine 692.190 kron sarf edilmişdir. Kadın ve Çocuklar İçin Muʻâyenehâneler- Vâlideler ve çocuklar için Çekoslovakya Salîb-i Ah- meri 57 muʻâyenehâne idâme etmekdedir. Yeni doğan çocuklara karşı vâlidelere terettüb eden vezâif ve ihtimâm hakkında hastabakıcılar evleri ziyâret ederek vesâyâ-yı mukteziyeyi icrâ ederler. 1925 senesi zarfında bu muʻâyenehânelerde 60.000 çocuk tedâvî edilmiş ve ziyâretçi hastaba- kıcılar evlerde 30.000 teftîşâtda bulunmuşdur. Leylî Mektebler- Ruthenie'nın şark havâlîsi pek fakîr olmakla köylüler, çocuklarına ancak bir terbiye-i ibtidâiye verebiliyorlar. Çekoslovakya Salîb-i Ahmeri etfâl-i mezkûrenin zekî ve müstaʻidlerine tâm bir terbiye ve tahsîl teʼmîn etmek arzusuyla âlî mekâtib-i ibtidâiyesi olan beş şehirde civâr köylü çocuklarının meccânen veya az bir ücretle tahsîl görebilmeleri için leylî kaydolunmalarına delâlet etmişdir. 1925-1926 sene-i tedrîsiyesi meyânında bu mekteblere 129 çocuk yerleştirilmişdir. Seyyâr Sinemalar- Köylerde hıfzıssıhhanın inkişâfında seyyâr sinemalar en iyi propaganda hiz- metini îfâ ediyorlar. Etıbbânın hıfzıssıhha ve emrâza âid tertîb etdiği konferanslar kasabadan kasaba- ya dolaşmak şartıyla seyyâr sinemalardan üçü tarafından gösterilmekdedir.