HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2686 Bu sinemalar, öğleden sonra çocuklara ve akşâmları büyüklere tahsîs edilmişdir. Senenin ikinci üç ayı zarfında 52.480 kişi sinemaya gelmiş ve 377 konferans verilmişdir. 1926 Senesine Mahsûs Salîb-i Ahmer Takvîmi- Çekoslovakya Salîb-i Ahmeri ikinci defa olarak 1926 senesine mahsûs Salîb-i Ahmer takvîmi neşretmişdir. Bu takvime 23 harita ile muhtelif memle- ketlere âid istatistikler de ilâve edilmişdir. Çekoslovakya Salîb-i Ahmer takvîmi gençlik tarafından ziyâdesiyle mazhar-ı takdîr ve rağbet olmuşdur. İspanya Salîb-i Ahmer Pulu İspanya Salîb-i Ahmeri'nin altmış ikinci sene-i teessüsü münâsebetiyle muhâberâta mahsûs ola- rak Mart'ın yalnız ilk üç günü için Salîb-i Ahmer tarafından posta pulu mevkiʻ-i tedâvüle vazʻına hükûmetçe müsâʻade edilmişdir. *** Salaman'ın da yeni Salîb-i Ahmer binâsının resm-i [371] küşâdı icrâ edilmişdir. Binâ, bir tıbbî şuʻbeyi ve bir vilâdethâne, seyyâr hastahâne ve bir idârî kısımları muhtevîdir. Kısm-ı tıbbîde büyük ve küçük herkes için muʻâyene meccânî olup her ne hastalık olursa olsun, sâhib-i salâhiyet etıbbâ tarafından tedâvî edilir. Verem dispanseri Salîb-i Ahmer meʼmûrunun idâre- sindedir. Vekâyiʻ-i müstaʻcele Salîb-i Ahmer etıbbâsının emriyle hastahâneye kabûl edilir. Verem, sıtma, frengi, ayyâşlık, kanser ilh. gibi emrâz ve âfât-ı ictimâʻiyeye karşı mücâdeleye mahsûs vesâitin istiʻmâli ve propaganda bu şuʻbenin vezâifi meyânındadır. Vilâdethâne Kısmı- Fakîr çocuklar için beşik iʻâresi, Salîb-i Ahmer etıbbâsının vesâikini hâmil olan fakîr çocuklara gıdâ ve mukavvî ilâclar iʻtâsı ve muʻâvenât, Salîb-i Ahmer hastabakıcıları tara- fından fakîr çocuklara meccânî aşı Ambulans Şuʻbesi- Tabîbin müsâʻadesi ile resmî veya husûsî kliniklere, hastahânelere, sana- toryumlara hasta nakliyâtı, kazâ veya isyân vukûʻunda ve emrâz-ı müstevliye ve sâriye zuhûrunda meʼmûrîn-i müteʻallikasının müstaʻcel talebi üzerine imdâd ve muʻâvenet-i müstaʻcele, makâm-ı âi- dinin göstereceği lüzûm üzerine eyyâm-ı mahsûsada ve ihtifâllerde muʻâvenet mevkiʻleri teʼsîsi bu şuʻbeye âiddir. Taʻlîm ve Tedrîs Şuʻbesi- Salîb-i Ahmer'in tanınmış etıbbâ-yı hâzıkası tarafından tedâvî edilen hastalara ve fennin son usûllerine tevfîkan yapılan ameliyâtlara dâir sinema projeksiyonları ile kon- feranslar. Âlât ve levâzım-ı sıhhiyeye ve hasta nakliyâtına müteʻallik manevralar Kısm-ı İdârî- Dârü'l-harbde bulunan efrâdın hâl ve mevkiʻine dâir istihbârât, muhâriblere paket ve efrâd-ı askeriye âile mektûblarının irsâli. Afrika'da hastahânelerde taht-ı tedâvîde bulunan askerle- rin cedvel-i esâmîsi. Harb eden efrâd hakkında meccânî maʻlûmât _______________