HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2687 Beynelmilel Komite'nin Masârıf-ı İdâriyesi Cenevre Beynelmilel Salîb-i Ahmer Merkez Komitesi'nin 1925 senesi masârıf-ı idâriyesine his- se-i iştirâk olmak üzere Fransız Salîb-i Ahmer Cemʻiyeti 25.000 frank, Lüksemburg Salîb-i Ahmeri 500 Belçika frangı, Estonya 2.000, İspanya 3.650, İsveç 4.000 İsviçre frangı irsâl etmişlerdir. _______________ Arnavudluk Arnavudluk Salîb-i Ahmeri Tiran'da bir Süt Damlası teʼsîsiyle meşgûl bulunmakdadır. Fransız Himâye-i Etfâl Cemʻiyeti bu müessesenin vücûda gelebilmesi için muʻâyenehânesine lüzûmu olan âlât ve levâzımı iʻtâ ve mühim bir mikdârda mütekâsif süt ihdâ etmek sûretiyle bezl-i muʻâvenet et- mişdir. Salîb-i Ahmer Cemʻiyetleri Heyʼet-i İttihâdiyesi de Süt Damlası için Arnavudluk Salîb-i Ah- meri'ne muʻâvenetde bulunmuş ve çocuk muʻâyenehânesini îfâ-yı vazîfe edebilecek bir hâle vazʻ için ayrıca bir hastabakıcı göndermişdir. Arnavudluk Salîb-i Ahmeri bu nevʻ çocuk muʻâyenehânelerini Arnavudluğun muhtelif şehirlerinde de teʼsîs etmeği tasavvur etmekdedir. Cemʻiyet-i mezkûre diğer tarafdan mekteb çocukları arasında malaryaya karşı propaganda mü- câdelesine teşebbüs etmişdir. Malarya mücâdelesi için Heyʼet-i İttihâdiye, [372] Arnavudluk Salîb-i Ahmeri'ne birçok levha- larla mekteblere tevzîʻ edilecek bir risâlenin resimlerine mahsûs klişeler göndermişdir. _______________ Lehistan 1924 senesi zarfında Lehistan Salîb-i Ahmeri'nin icrâât ve mesâʻîsi hastahâneler, hastabakıcı mektebleri, memâlik-i ecnebiyedeki mültecîlere muʻâvenet ve Gençlik Salîb-i Ahmeri gibi Salîb-i Ahmer'in sulh programında muhtelif şuʻabât faʻâliyeti ihtivâ eden bir plana tevfîkan inkişâf etmişdir. Lehistan Salîb-i Ahmeri'nin muʻaddel nizâmnâme-i esâsîsini merkez-i umûmî ile şuʻabât ve merâkize âid vezâifi ayırmışdır. Birçok senelerden beri Lehistan Salîb-i Ahmeri'nin himâyesinde bulunan müessesâtdan Varşo- va Salîb-i Ahmer Hastahânesi, 175 yatağından yüz yatağı efrâd-ı askeriyeye mahsûs bir sanatoryumu, Kraliçe Elisabeth Hastahânesi, erâmil-i askeriyeye mahsûs müessese-i hayriye ve Varşova ile Poz- nan'da iki hastabakıcı mektebini zikredebiliriz. Meslekî maʻlûmâtlarını tezyîd etmek arzusunda bulunan hastabakıcılar için üç ay müddetle mütemmim dersler tertîb edilmişdir. Vilâyetlerde vazîfe derʻuhde eden hastabakıcıların efʻâl ü harekâtı kemâl-i dikkat ü ehemmi- yetle teftîş edilmekdedir. _______________