HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2688 Gençlik Salîb-i Ahmeri Son nüshalarımızdan birinde Gençlik Salîb-i Ahmeri teşekkül etmiş memleketlerde bu memle- ketlerdeki gençlik aʻzâsı mikdârına dâir maʻlûmât vermiş idik. Ahîren nazar-ı mütâlaʻamızdan geçen bir istatistiği evvelce neşretdiğimiz erkâmı taʻdîl eder mâhiyetde gördüğümüz için aşağıya derc ediyoruz. Kânûn-ı Evvel 1925 Târîhinde Neşrolunan Mikdârı Şimdiki Mikdârı Tezâyüd Eden Mikdârı Kanada 93.488 102.242 8.754 Cemâhîr-i Mücte- miʻa 5.596.552 5.738.648 142.096 Yunanistan 132.000 142.999 1.999 Çekoslovakya 290.830 300.225 9.385 321.234 Geçen 1 Kânûn-ı Evvel târîhinde neşrolunan erkâma bu mikdâr ilâve edilecek olursa bütün cihân Gençlik Salîb-i Ahmer aʻzâsının yekûnu dokuz milyondan fazla bir rakam teşkîl etmiş olur. _______________ Çekoslovakya Geçen sene-i tedrîsiye esnâsında küşâd edilenler de dâhil olmak üzere Çekoslovakya Salîb-i Ahmeri'nin idâresinde şimdiki hâlde icrâ-yı faʻâliyet eden on diş muʻâyenehânesi vardır. Bu muʻâye- nehânelerin taʻkîb etdikleri aynı esâsât şunlardır: Masârıfı Salîb-i Ahmer şuʻbesi veya bulunduğu nâhiye tarafından tesviye edilmek şartıyla diş muʻâyenehânesi küşâd edilir. Gençlik Salîb-i Ahmer aʻzâsı olan çocuklar "fakîr", "vazʻiyet-i mâliyesi mütevassıt" ve "zengin" olmak üzere üç kısma tefrîk edilir. Tabîb dişlerini muʻâyene etdiği çocukları diş muʻâyenehânesine sevk eder. Fakîr çocukların tedâvî masârıfı gençlik şuʻbesiyle Salîb-i Ahmer tarafından müştereken tesviye olunur. Orta hâlli çocuklarınkinin bir kısmı kendilerine ve diğer kısmı dâimâ Salîb-i Ahmer'e âiddir. [373] Zengin çocukları arzu etdikleri tabîbe mürâcaʻatda serbestdir. Diş muʻâyenehânelerinin ehem- miyeti istatistiklerle mütezâhirdir. Tekmîl çocuklar münâvebe ile diş tabîbi tarafından muʻâyene edilir ve hiçbir çocuk aslâ tedâvîsiz bırakılamaz. Çekoslovakya Gençlik Salîb-i Ahmeri Mecmûʻaları nda şâyân-ı kayıd ehemmiyetli bir tahavvül vardır. Çekoslovakya'da etfâle mahsûs müteʻaddid mecmûʻalar intişâr etmekde olduğundan Gençlik Salîb-i Ahmeri Mecmûʻaları mâhiyet-i mahsûsalarını muhâfaza etmekle berâber aradaki nisbet ve mukâyeseyi kendilerine müsâʻid bir tarzda idâmeye mecbûrdurlar. 10 ile 14 yaş arasındaki çocuklar için Ihlamur ve sinleri ondan dûn olan çocuklara mahsûs Meserret ismindeki mecmûʻalardan birine