HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2689 mevzûʻ teşkîl eden mesʼele ertesi ay diğeri için sermâye olur ve Gençlik Salîb-i Ahmeri'nin başlıca maksad ve gâyeleri bu sûretle nazar-ı mütâlaʻadan geçmiş bulunur. Ihlamur 'un mündericâtı iki kısma ayrılır. Çocuklara âid mevzûʻları sühûletle idâreye mukte- dir muharrirîn-i meşhûre birinci kısmın mündericâtını muʻâvenet-i kalemiyeleriyle teʼmîn ederler. Mevzûʻlar sanʻatkârâne resimlerle tezyîn edilir. Mecmûʻanın bu kısmı Gençlik Salîb-i Ahmeri'ne henüz intisâb etmemiş etfâlde işbu arzunun husûlünü istihdâf etdiği gibi diğer cihetden muʻallimînin tedrîsâtına da yardım eder. Ihlamur 'un ikinci kısmı Gençlik Salîb-i Ahmeri'nin icrâât ve mesâʻîsine âid raporları ve teş- kîlâtına mütedâir taʻlîmâtı hâvîdir. Bu iki mecmûʻanın masârıfı abonelerine tahmîl edilmişdir. İki ay zarfında Ihlamur 'a 1.400 ve Meserret 'e 3.000 abone kaydolunmuşdur. Avusturya Avusturya Salîb-i Ahmeri'nin ahîren neşretdiği kitâb külliyâtı meyânına ahîren Tolstoy'un Halk Hikâyeleri nâm eseri de idhâl edilmişdir. Maʻârif Vekâleti'nin mazhar-ı tasvîb ü takdîri olan kitâb-ı mezkûr, tedrîsât-ı ibtidâiye ve tâliye sınıflarına kırâat kitâbı olarak kabûlü tavsiye ediliyor. _______________ Çekoslovakya Çekoslovakya Gençlik Salîb-i Ahmeri mekteb çocuklarının otururken, ayakda dururken, koşar- ken dikkat ve riʻâyet etmesi lâzım gelen evzâʻı gösterir duvar levhaları neşretmişdir. Terbiye-i Be- deniye Nezâreti'nin de takdîr etdiği mezkûr levhaların Maʻârif-i Umûmiye Vekâletince mekteblerde istiʻmâli ve taʻlîkine müsâʻade olunmuşdur. _______________ Almanya Alman Salîb-i Ahmeri ahîren gençlik için bir mecmûʻa neşrine başlamışdır. Bu neşriyâtın ehemmiyetini îzâh ve Gençlik Salîb-i Ahmeri'nin sınıflarına kabûlünü tergîb maksadıyla ilk numarası muʻallimler için bir hitâbe ile intişâr etmişdir. Hitâbede Gençlik Salîb-i Ahmeri'nin yapdığı propaganda ile taʻkîb etdiği hıfzıssıhha gâyeleri ve mektebler arasında teʻâtî olunan muhâberât ve mükâtebât üzerinde ısrâr edilmişdir. Talebe Gençlik Hilâl-i Ahmer şuʻbelerini teşkîl ederken istihdâf etdikleri gâyeleri ve Gençlik Salîb-i Ahmeri faʻâli- yetinden ümîd etdikleri şeyleri bu hitâbeye leffedilen matbûʻ varakaya sarâhaten kayd u derc etmeğe mecbûrdurlar. [274] Talebenin aʻzâ kaydı muʻâmelesinden sonra mecmûʻadan talebesi için kaç nüsha istediği- ni muʻallim diğer bir varaka ile Salîb-i Ahmer Kâtib-i Umûmîliği'ne teblîğ edecekdir. _______________