HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 55 2693 eylemişdi. Bu zamâna kadar Doktor Calmette verem aşısını keşfetmek için basillerin virüslerini tahfîf etmek üzere bir çâre taharrîsi ile meşgûl olmuş ise de senelerce yapdığı tedkîkâtdan bir netîce istihsâl etmeğe muvaffak olamamışdı. Aşının evvelâ hayvânlar üzerinde tatbîki düşünülmüş ve elde edilen kültürlerle cümlesi hakîkî verem mikroblarını hâvî olduğundan bunlar telkîh edilen hayvânlar üzerinde vereme karşı muʻâfiyet tevlîd edecek yerde bilakis hastalık aʻrâzı husûle getirmişdir. Doktor Calmette, nihâyet Pasteur'ün şarbon hastalığının aşısını bulmak için mürâcaʻat etdiği usûllerden istifâde ederek öküzlerden aldığı verem basillerinden on üç senelik mesâʻî netîcesi olarak iki yüz otuz kültür yapmağa muvaffak ol- muşdur. Bu kültürler için öküz salyası esâs ittihâz edilmiş ve netîcede mikrobların verem hastalığı tevlîd etmek kâbiliyetlerini büsbütün gayb etdikleri fakat vücûdda tâze mikroblar gibi vücûdu müdâ- faʻa edebilecek kitleler husûle getirdiği anlaşılmışdır. Kültürlerin uzun müddet maymunlar, danalar ve domuzlar üzerine aşılanarak zararsız oldukları hakkında kanâʻat hâsıl oldukdan sonra çocuklara tatbîke başlanmışdır. Verem aşısının çocuklara tatbîkinden Fransa'da şâyân-ı memnûniyet netîceler elde edilmişdir. Veremli ebeveynden doğan ve dâimâ ebeveyni ile hâl-i temâsda bulunan çocuklar arasında vefeyât mikdârı yüzde yirmi beş nisbetinde olduğu bu çocukların iki yaşından evvel veremden öldükleri sâbit olduğu hâlde verem aşısının tatbîkinden sonra vefeyât mikdârı şâyân-ı ehemmiyet bir sûretde tenez- zül etmişdir. Veremli ebeveynden doğan 2.070 çocuğa aşı [378] tatbîk edilmiş ve bunlar arasında ancak yüzde 0,5 nisbetinde vefeyât vukûʻ bulmuşdur. Elde edilen bu netîceye rağmen Doktor Calmette el-ân keşfetdiği aşının katʻî olmadığını iddiʻâ ederek bunu ıslâh etmek için çâreler taharrîsiyle meşgûl olmakdadır. Doktor Calmette aşı hakkındaki tedkîkâtını tevsîʻ etmek için Afrika'nın Gine sâhillerinden birçok şempanze maymunları celb ederek bunları husûsî ahırlarda beslemeğe başlamışdır. Bu maymunlardan verem hastalığına mübtelâ olmayanlar aşılandıkdan sonra uzun müddet ve- remli maymunlar ile aynı kafesde bulundurulduğu hâlde hastalığa tutulmadıkları görülmüşdür. Aşı hakkındaki tecrübelere Belçika, İsviçre, İtalya, İngiltere ve Amerika'da da devâm edilmiş ve kâffesin- den matlûb netîceler elde edilmişdir. Doktor Calmette, verem aşısı hakkındaki tedkîkâta Doktor Bacille, Guérin ile devâm etmekde olduğu gibi ilk netîcelerde hep bu iki arkadâşın inzimâm-ı mesâʻîsiyle elde edilmişdir. Bu sebeble verem aşısına bu üç doktorun isimlerinin ilk harflerinden mürekkeb bir isim verilmişdir. Calmette Fransız gazetelerinden birine aşı hakkında şu beyânâtda bulunmuşdur: "-Yapdığımız taharriyât etrâfındaki gürültüler beni çok müteessir etmekdedir. Bu aşıdan mühim netîceler elde edeceğimizi ümîd ediyorum. Fakat insânları bu müdhiş hastalıkdan kurtarabilmek için daha birçok seneler lâzımdır. Buldu- ğumuz aşının vücûda mazarrat vermediğine kâniʻiz. Bu nokta aşının esâsını teşkîl etmekdedir. Fakat teʼsîrinin katʻî olduğuna dâir hayvânlar ve insânlar üzerinde yapdığımız tedkîkât, netîce hakkında bizi günden güne ümîde sevk etmekdedir. Fakat bu netîceleri henüz katʻî addedemiyorum. Netîce- de sükût-ı hayâle uğramak ihtimâlini düşünerek şimdiden ihtiyâtkâr davranmak mecbûriyetindeyim. Şimdiye kadar vereme karşı aşının mecbûrî olarak tatbîkinden bahsedilmiş ise de fikrimce bu doğru değildir. Ben bütün kuvvetimle buna mümânaʻat etmeğe çalışacağım". Yeni Ses Müdür-i Mesʼûl: Arif Süleyman