HİLÂL-İ AHMER MECMÛʻALARI / CİLT 6

2707 Beşinci Sene 1 Şevvâl sene 1344 / 15 Nisan 1926 Numara 56 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Hazım Mesʼelesi – Zelzele Hasârâtı ve Zelzelelere Karşı Sigorta – İtalya'da Kansere Karşı Harb – Hilâl-i Ahmer Havâdisi (5-14) – Salîb-i Ahmerler Havâdisi (11-15) – Muktebesât – Fransızca Kısmı – İngilizce Kısmı ABONELERİMİZDEN RİCÂ Abone müddetleri hitâm bulan kârilerimizden abone bedellerini doğrudan doğ- ruya İstanbul'da Hilâl-i Ahmer Mecmûʻası Müdüriyeti'ne göndermeleri ricâ olunur. İCTİMÂʻÎ HIFZISSIHHA -29- Kansere Karşı Mücâdele Son asır zarfında beşeriyet-i muztaribeye savlet eden ictimâʻî hastalıklardan biri de kanser ol- muşdur. Yapışdığı herhangi bir uzvu harâb, sâhibini az bir zamânda helâk etmek ile muttasıf olan bu âfetin son seneler zarfında yapdığı fecâyiʻe karşı medeniyet ve tabâbet bilhâssa şu günlerde aʻzamî bir hareket ve gayrete gelmişdir. Birçok medenî hükûmet ve milletler tabâbetin gitdikçe mütezâyid terakkiyâtı ve hıfzıssıhha-i ictimâʻînin gün geçdikçe tekâmülü sâyesinde kurûn-ı vüstâ ve uhrâda hükümrân olan birçok hastalık- lara galebe çalmışlar ve senevî yüz binlerce hattâ milyonlarca kurbânların hayâtlarını kurtarmışlardır. Bugün tâʻûn, kolera, kara çiçek ve tifüs gibi salgınlar artık târîhe karışmış olup nesl-i hâzır bunları ancak tıb kitâblarında ve tecrübe hayvânlarında mütâlaʻa ile meşgûl bulunuyorlar. Maʻamâfîh bugünkü nesli el-ân tehdîd eden verem ve kanser gibi iki âfet-i ictimâʻiye kalmışdır diyebiliriz. Vereme karşı rubʻ asırdan beri yapılmakda olan tecârüb ve tedkîkât-ı fenniye bu hastalığa galebe çalmak için oldukça müfîd semerât vermiş ve tahaffuz esâsâtı sâyesinde senevî kurbânların adedi pek mühim azalmışdır. Fakat kanser denilen illete karşı yapılagelen mücâdelât ve tebeddülât maʻalesef henüz semere vermişdir denilemez. Eski ve yeni dünyânın bütün köşelerinde senevî bin- lerce seretân kurbânları [386] fenn-i hâzırın bunca terakkiyâtı önünde bugün hâlâ resm-i geçid yapıp durmakdadır.