HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2714 Her memleketde indifâʻât, feverân, tuğyân ve fırtınalarla meşgûl olmak üzere harekât-ı arziye tedkîkât istasyonları teʼsîsini ve bu istasyonlar vâsıtasıyla iş adamlarının kolayca anlayabilecekleri haritalar, istatistikler neşredilmelidir. Tedkîkât-ı mezkûre académique, yani ilmî mâhiyetde olmakdan ziyâde amelî bir mâhiyeti hâiz bulunmalıdır. Müessesât-ı mühimme-i mâliye bu maksadın teʼmîni uğrunda nakdî fedâkârlıkda bulunarak mesʼelenin bu şekilde tedkîk edilmesi için hükûmetleri teşvîk etmelidirler. Ale'l-umûm âfât ve mesâibden mütevellid hasâr u zararların mikdâr-ı senevîsi bir milyar dolar tahmîn edilebilir. Binâenaleyh hâdisât-ı tabîʻiyeyi bir sistem dâhilinde ve vâsiʻ mikyâsda tedkîk et- mekden başka çâre yokdur. Şimdiye kadar Japonya'da, Kaliforniya'da vesâir mahallerde bu husûsda icrâ edilen tedkîkât cüzʼî ve ehemmiyetsizdir. Tedkîkât-ı heyʼetiye-i asriye küremiz hakkında yapılan tedkîkâtdan çok müterakkîdir. İş adamlarının teʼsîs etdikleri Hawai Tedkîkât İstasyonu'nu bir Amerikalı ilmî enstitüsü idâre ediyor. Yeni Zelanda, Cava, Merkezî Amerika, Antil, İtalya, Kaliforniya'da bu gibi istasyonların teʼsî- si ve bir tarz-ı samîmîde teşrîk-i mesâʻî edilmesi için mürâcaʻat vâkiʻ olmuşdur. Yangınlarda olduğu üzere zelzelelerin tehlike ve muhâtaraları da dünyânın her kısmında hesâb edilmelidir. Kaliforniya'da zelzeleden vefât edenlere karşı sigorta ücret-i seneviyesi bin dolarda 1x1/2'dir. Hâlbuki 159 milyon dolara bâliğ olan harâb mebânî için 1.000 dolarlık sigortaya 7,23 dolar teʼdiye ediliyor ki, Cemâhîr-i Müctemiʻa'da umûmiyetle yangınlara karşı verilen sigorta, ücretinin iki mislidir. San Francisco zelzelesinin netâyicini tedkîk eden bir zât yangınlar için tatbîk olunan mütekâbil sigorta usûlünün zelzeleler için de kabûl olunabileceğini iddiʻâ ediyor. Amerika'nın diğer [393] memleketlerden ziyâde yanardağlara mâlik bulunması ve gratles-ciel nâmı verilen yüzlerce katdan müteşekkil mebânî-i müctemiʻaya ve lâ-yuʻ[â]d otomobillere ve vâsiʻ mecmaʻlara sâhib bulunması Kaliforniya, Utah ile Washington dâire-i hükûmeti gibi gayr-ı sâbit menâtık ve havâlî için bunlar azîm tehlikelerdir. Binâenaleyh bu husûsda ilk teşebbüsün Amerika tarafından vukûʻ bulacağı ümîd ediliyor. _______________ İTALYA'DA KANSERE KARŞI HARB Son günlerde İtalya Dâhiliye Nezâreti bütün mülhakâta yapdığı taʻmîmde evrâm-ı habîseye karşı yapılacak mücâdelenin mühim üç noktada temerküz etmesini emretmişdir: 1-Fennî 2-Tedâvî 3-Hıfzıssıhhî Fennî kısım hastalığın tekevvün-i marazîsini, esbâbını keşfetmek sûretiyle, tedâvî kısım yeni tarz tedâvîleri taʻkîb etmekle berâber mevcûd olanları tekâmüle doğru sevk etmek, hıfzıssıhha kısmı da doğrudan doğruya bu âfetden tahaffuz çârelerini taharrî ile meşgûl olacaklardır. Bu husûsâtın hakkıyla tatbîki maksadıyla bütün vilâyâtın büyük kasaba ve şehirlerinde gerek serîrî ve gerekse laboratuvara müteʻallik bütün âlât ü edevâtı câmiʻ merkezî laboratuvarlar açılacak-