HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2715 dır. Bu merâkizin serîriyât, hastahâne ve fennî müessesât gibi dâirelerde teʼsîsi münâsib olmakla berâber ber-vech-i âtî makâsıdın istihsâline sâʻî olması takarrür etmişdir. 1-Kanserin erken teşhîsi, 3-Kanserli hastalara mümkün olur ise bi't-tedâvî urun kalʻ ve istîsâli ve tedâvîye müteʻallik husûsâtda yardım, 3-Hastanın hayât-ı şahsiye ve ictimâʻiyesine, tarz-ı sanʻat ve meşgûliyetine, âilesinin târîhçe-i sıhhîsine âid suâller, 4-Hastalığın esbâbının daha iyi anlaşılması için taʻkîb edilen mevâddın cemʻ edilmesi, 5-Halk arasındaki kanserlere karşı faʻâl bir mücâdeleye başlanmakdır. Teşhîs için açılacak kanser merâkizinin husûsî komiteler vâsıtasıyla memleketin muhtelif faʻâ- liyet ve mesâʻîsi ile teşrîki de teʼmîn edilmişdir. HİLÂL-İ AHMER HAVÂDİSİ Hilâl-i Ahmer Meclis-i Umûmîsi Hilâl-i Ahmer Meclis-i Umûmîsi Nisan'ın yirmi dördüncü Cumartesi günü Ankara'da ictimâʻ edecekdir. Hastabakıcı Mektebimiz Türkiye Hilâl-i Ahmer Cemʻiyeti'nin çok yüksek bir eser ve müessesesi olan Hastabakıcılık Mektebi'nin ilk imtihânları şehrimizin güzîde etıbbâsı huzûrunda nazarî ve amelî bir sûretde icrâ edilmişdir. Teşrîh, fizyoloji, bakteriyoloji, hıfzıssıhha, hikmet ve kimyâ, hastabakıcı usûlü derslerinden birbirini müteʻâkib yapılan imtihânlarda tâlibeler cidden şâyân-ı takdîr bir sûretde muvaffak olmuş- lardır. Bir senelik amelî ve nazarî hastabakıcılığın bahşetdiği maʻlûmât ve temizliğiyle mücehhez genç hanımlarımızın çok terbiyeli ve nezîh tavırları ve heyʼet-i mümeyyizenin [394] suâllerine verdikleri emniyetli cevâblarıyla hepsi muʻallim ve mümeyyizlerden takdîrlerini celb etmişlerdir. Her imtihânı müteʻâkib Doktor Ali Paşa, genç hanımlarımızı harâretle [tebrîk] etmişlerdir. Hastabakıcılığın mede- niyet âleminde hâiz olduğu mevkiʻ ve ehemmiyet pek büyükdür. Müttehide-i Amerika bu vâdîde en ileri giden bir memleketdir. Geçenlerde şehrimizi ziyâret eden Rockefeller Müessesesi müdîrânından Profesör Gand, muʻallim hastabakıcılar yetiştirmek husûsunda Amerika'nın dâimâ birinci sınıfı işgâl etdiğini büyük bir gurûr ve iftihârla söylemekde idi. Biz, hiç şübhe yok ki, bu işin henüz başlangıcın- dayız. Avrupa'da eski bir hayâta mâlik olan hastabakıcılığın bizde henüz bir mâzîsi yokdur. Dün parlak imtihân veren genç hanımlarımız bu azîz ve mübârek mesleğin, bu ilâhî sanʻatın ilk pîşdârları olacakdır. İşte bu iʻtibârladır ki, Hilâl-i Ahmer Cemʻiyeti geçen sene İstanbul'da ilk Has-