HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2716 tabakıcılık Mektebi'ni teʼsîs etmekle memleketimizin sıhhat-ı umûmiyesine çok kıymetli ve şerefli bir himmet îfâ etmişdir. Cemʻiyetimizin bu gibi daha pek çok müesseselere mazhariyetini temennî ederken ilk tâlibeleri harâretle tebrîk ederiz. İkinci sınıfa terfîʻ eden tâlibelerin esâmîsi ber-vech-i âtîdir: Fatma Abdurrahman Hanım İsmet Mehmed Hanım Nimet Halil Hanım Mürüvvet Süleyman Hanım Fatma Kasım Hanım Şükûfe Abdullah Hanım Hatice İsmail Hanım Hatice Hakkı Hanım Feride Kâzım Hanım Nazmiye Süleyman Hanım Naciye Hüdaverdi Hanım Fikriye Mehmed Hanım Hayriye Mehmed Ali Hanım Vahîde Hâmid Hanım Ayşe Mustafa Hanım Fatma Osman Hanım Fehime Abdullah Hanım Vesile Ahmed Hanım - Vecihe Hüsnü Hanım Zelzele Felâketi 18 Mart 1926 târîhine musâdif Perşembe günü Antalya vilâyetinin muhtelif mıntıkalarında sâʻat on altıyı yirmi geçe garbdan şarka doğru geldiği tahmîn edilen şiddetli bir hareket-i arz olmuş ve bir dakîka devâm etmişdir. Merkez-i vilâyetde üç defa tekerrür eden sarsıntı zâyiʻâta bâdî olmamış ise de Kaş kazâsının Kale nâhiyesinde mevcûd hânelerin yüzde doksan beşi kısmen yıkılmış, kısmen oturulamayacak de- recede sakatlanmış ve dört vefât, bir mecrûh vukûʻa gelmişdir. Kale-i Reşadiye'de hareket-i arzdan müteessir olmayan emâkin yüzde beş nisbetindedir. Hare- ket-i arz en büyük tahrîbâtını Meis adasında yapdığı anlaşılıyor. Hareket-i arz tahrîbâtı haber alınınca merkez-i umûmîmiz felâketzedelere bir muʻâvenet olmak üzere Antalya'ya beş bin lira nakid ve on bin lira kıymetinde iki yüz çadır irsâl etmiş ve ayrıca Fethiye hareket musâbîni için de iki yüz çadır İzmir vilâyetine sevk eylemişdir. Bu sûretle havâlî-i mezkûre felâket-dîdegânına mahallî teşkîlâtımızın yapdığı çok kıymetli muʻâvenete zamîmeten merkez-i umûmîden yapılan ilk muʻâvenet yirmi beş bin liradır. _______________ İstanbul Merkezi Teberruʻ İlk tahsîlde bulunan fukarâ-yı etfâle İstanbul Merkezi Hilâl-i Ahmeri'nin tevzîʻ etdirdiği [395] poğaçanın masârıfına medâr olmak üzere Şükrüzâde Tevfik Paşa tarafından yüz lira teberruʻ edilmişdir. Müteberriʻ-i muhteremeye teşekkür ederiz. ***