HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2717 Bir hafta mukaddem devâm eden soğuklar münâsebetiyle mekteb çocuklarına poğaça yerine sûret-i mahsûsada iʻmâl etdirilmiş bira francalasıyla tahin helvâsı iʻtâ edilmişdir. *** Beyoğlu Merkezi Faʻâliyeti Beyoğlu Vilâyeti Hilâl-i Ahmer Merkezi'nin Mart ayı zarfındaki şefkat pulu sarfiyâtı yüz otuz üç bin yüz altmış üç kuruşa bâliğ olmuşdur. Bu husûsda muhterem vilâyet halkının ve mekâtib tale- besinin gösterdiği alâka ve lütufkârlığa teşekkür olunur. *** Üçüncü Kolordu Kumandan-ı muhteremi Şükrü Nailî Paşa hazretlerinin lütuf ve delâlet-i irşâ- dkârâneleriyle kolordu erkân ve zâbitân-ı muhteremesinden 162 zâtın cemʻiyetimiz aʻzâlığını kabûl buyurmalarından dolayı Beyoğlu vilâyeti merkezi tarafından arz-ı teşekkür olunmakdadır. *** Beyoğlu vilâyeti dâhilindeki fakîr mekteb çocuklarına Ramazân-ı şerîfde peynirli pide ve poğa- ça tevzîʻ edildiği ve bunun Gençlik Hilâl-i Ahmeri Teşkîlâtı üzerinde büyük teʼsîri olduğu mekteble- rin müdürleri tarafından samîmiyetle beyân-ı memnûniyet ve teşekkür edilmekdedir. *** Beyoğlu Vilâyeti Hilâl-i Ahmeri küçük mikyâsda bir piyango teʼsîsine dâir Ankara'da 24 Nisan sene [1]926'da inʻikâd edecek olan kongreye arz edilmek üzere bir proje hâzırlamışdır. Piyangoya müsâʻade olunduğu takdîrde hâsılâtı, kazâzedelere mahsûs olarak teʼsîs edilecek müesseselere sarf edilecekdir. *** Beyoğlu merkezine merbût Galata şuʻbesi şimdiye kadar bir eser-i faʻâliyet gösteremediğinden müstaʻfî addıyla yeniden intihâbât icrâsına tevessül edilmişdir. *** Hilâl-i Ahmer'in Beyoğlu merkezi tarafından cemʻiyet menfaʻatine geçen Mart'ın on ikisinde Tepebaşı Kışlık Tiyatrosu'nda tertîb edilen müsâmerede 807 lira hâsılât teʼmîn edilerek 303 lira 10 kuruş hâsılât merkez-i mezkûra teslîm olunmuşdur. _______________