HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2718 Fatih Hilâl-i Ahmer Şuʻbesi Faʻâliyeti Fatih Hilâl-i Ahmer Şuʻbesi ilk evvel teşkîlâtını ikmâl ve yirmi dört mahallenin karye heyʼet-i idâresini kâmilen taʻyîn etmişdir. Fatih nâhiyesi yangın dolayısıyla nüfûsun ekserîsini zâyiʻ etmiş olduğu hâlde altı yüz [396] aʻzâ kaydına muvaffak olmuşdur. Ayrıca Hilâl-i Ahmer şefkat pullarından beş bin kuruş ahz u sarf edilmişdir. Hilâl-i Ahmer Fatih Heyʼet-i İdâresi mürâcaʻat edecek fukarânın meccânen muʻâyenesini ve ilâclarının dahi Gurebâ-yı Müslimîn Hastahânesi'nden alınmasını teʼmîn eylemişdir. Fatih Hilâl-i Ahmer Şuʻbesi Heyʼet-i İdâresi: 1) Doktor Salim Ahmed Bey, 2) Mîralây mütekâʻid Abdülhamid Bey, 3) Hacı Cemil Bey, 4) Eczâcı Ali Kemal Bey Groupe du Comité du Croissant-Rouge du distriet de Fatih Hilâl-i Ahmer Hanımlar Dârüssınâʻası'nda Seksen Yetîmin Vücûda Getirdiği Sergi Hilâl-i Ahmer Hanımlar Dârüssınâʻası'nın her sene Ramazân'da açdığı sergi bu sene dahi Hilâl-i Ahmer merkezinde küşâd edilmişdir. Bu sene teşhîr edilen el işleri arasında çok şâyân-ı dikkat olanlar vardır. Bilhâssa eski Türk ka- dınlarının müzeden alınan modellere göre iʻmâl edilmiş işlemeleri çok güzeldir. Seksen kadar yetîm kızın elinden çıkan, pek çok sabırdan ve dökülen göz nûrlarından sonra meydâna gelen bu eserler, Türk sanʻatını canlandıracak güzellikdedir. Sergi bayrama kadar devâm edecekdir. Sergi heyʼet-i idâresi seyyâh vapurlarında da şimdiye kadar bin beş yüz liraya yakın eşyâ satmışdır. _______________