HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2719 Beyoğlu Vilâyeti Hilâl-i Ahmer Reîsi Hekîmbaşızâde Doktor Muhyiddin Nuri Bey Doktor Muhyiddin Bey, Mekteb-i Tıbbiye'mizin müessisi Hekîmbaşızâde Mustafa Behçet ve Abdülhak [397] Efendi birâderinin hafîdi ve Şâʻir-i aʻzam Abdülhak Hâmid Beyefendi'nin amcazâ- desi olup 1288'de İstanbul'da tevellüd ve 1308 senesinde Mekteb-i Tıbbiye'den birincilikle neşʼet ey- lemişdir. Bir müddet Mekteb-i Tıbbiye fizyoloji muʻâvinliğinde bulundukdan sonra Baytar Mektebi fizyoloji muʻallimliğine ve Etfâl Hastahânesi'yle Dârülaceze'nin kulak, boğaz, burun tabîb-i mütehas- sıslığına taʻyîn edilerek on beş sene bu vazîfeleri hüsn-i îfâ etmişdir. Talebe iken Kerder ismindeki emrâz-ı üzniye eser-i mühimmini terceme eylediği gibi meşhûr Cullen fizyoloji-i tatbîkiyesini selis bir ifâde ile terceme ederek memleketimizde fizyoloji-i baytarînin esâsını vazʻ eylemiş ve müteʻâki- ben kendisine hâs sâde bir üslûb ile Rehber-i Meʼkûlât , Rehber-i Meʼkûlâtın Zeyli , Emrâz-ı Enfiye , Enfiye-i Belʻûmiye , Kuşpalazı , Vâlideyne İhtâr , Sağır , Dilsiz ve Aʻmâ Çocukların Taʻlîm ve Terbiyesi , Kulağın Hıfz-ı Sıhhati , Rehber-i Sıhhat , Rehber-i Hayât , Sıhhat ve Hayât-ı İslâm , Saç ve Sakalın Sıhhat ve Hayâtı , Şeker İlletine Mahsûs Hıfz-ı Sıhhat , Sinir İlletine Mahsûs Hıfz-ı Sıhhat , İksir Hük- mü , Şişmanlığa Mahsûs Hıfz-ı Sıhhat isimleriyle on beş, yirmi parça fennî, sıhhî, terbiyevî, ictimâʻî kıymetdâr, fâideli eserler teʼlîf ve neşreylemişdir. Mûmâileyh Meşrûtiyeti müteʻâkib Meclis-i Emânet ve Cemʻiyet-i Umûmiye-i Belediye aʻzâlı- ğına taʻyîn ve intihâb olunmuş ve [1]324 [1908] senesinde taraf-ı hükûmetden Avrupa belediyelerinin tedkîki için Avrupa'ya iʻzâm edilmişdir. Avdetinde umûr ve müessesât-ı belediye ve sıhhiyeye dâir Şehremâneti teşkîlât ve teʼsîsâtına esâs olan mükemmel bir proje ihzâr eylemişdir. [1]325'de [1909] Yıldız Komisyon-ı Mahsûs Riyâseti'ni maʻrûf olan istikâmeti ile bi'l-îfâ Şehremâneti'ne bir hayli vâ- ridât teʼmînine muvaffak olmuşdur. [1]325 nihâyetlerinde bizzât teşkîl ve teʼsîs eylediği Müessesât-ı Hayriye-i Sıhhiye Müdüriyet-i Umûmiyesi'ni derʻuhde ile iki-üç sene zarfında memlekete en hayırlı, en kıymetli hizmetler îfâ eden Cerrâhpaşa Hastahânesi, Şehir Kimyâhânesi ve Meccânîn Müşâhe- dehânesi'ni teʼsîs ve Haseki Nisâ Hastahânesi'nde son sis- tem bir ameliyât dâiresi inşâ etdirmiş ve el-yevm Dâülkelb Müessesesi bulunan binâyı Fransız râhibelerinden satın alıp şehre mâl etdikden sonra orada Beyoğlu Zükûr Hastahâne- si'ni ihyâ ve Haseki Nisâ, Etfâl, Beyoğlu Nisâ Hastahânele- rinde de bir hayli ıslâhâtla berâber röntgen dâireleri ve la- boratuvarlar yapdırmış ve tebhîrhâneleri asrî bir şekle ircâʻ eylemiş ve Dârülaceze'de esâslı ıslâhât ile eytâm-ı etfâlden altmış kişilik bir muzıka takımı vücûda getirmiş ve o vakit Karahisar maʻden suyunu yeniden işletmeğe muvaffak ol- muşdur. Müessesât-ı Hayriye-i Sıhhiye Müdüriyet-i Umûmi- yesi'nde iken Hilâl-i Ahmer'e şâyân-ı takdîr hidemâtı meş- hûd olduğundan kendisine Hilâl-i Ahmer müessisliği un- vân-ı fâhiri verilmişdir. Balkan Muhârebesi'nde bulunduğu zamân maʻalesef Müessesât-ı Hayriye-i Sıhhiye Müdüriyeti lağv edildiğinden baʻde'l-harb İstanbul'a avdetinde meclis-i umûmî-i vilâyete aʻzâ intihâb olunmuş ve bu sırada cüzʼî bir menfaʻat mukâbilinde Şehremâneti'nin Zürihli bir şirke- te bi'l-ihâle li-ecli't-tasdîk meclise takdîm eylediği mezbaha mukâvelenâmesini müdâfaʻât-ı muhıkkasıyla redde sebeb müstakil olarak bugün vâridât-ı emânetin mühim bir kısmı- [398] Beyoğlu Hilâl-i Ahmer Merkezi Reîsi Hekîmbaşızâde Doktor Muhyiddin Bey Hikim Bachi zade Dr. Muhieddin Bey, Président du Comité du Croissant- Rouge de Vilayet de Bey Oglou (Péra)