HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2723 Kulak hastalıkları 3 3 - 6 Kızamık 2 - - 2 Göz hastalıkları 5 7 2 14 Nezle-i müstevliye 11 22 8 41 Rahim hastalıkları - 49 - 49 Sâir hastalıklar 24 61 15 100 Cürûh-ı âdiye 7 6 9 22 Yekûn 109 319 93 521 SALÎB-İ AHMERLER HAVÂDİSİ Almanya Alman Salîb-i Ahmeri'nin tertîb etdiği seyyâr hıfzıssıhha sergisi Merkezî ve Şimâlî Almanya'yı, Danzig şehrini ziyâret etdikden sonra geçen Eylül'de Ren havâlîsinde de tevakkuf etmişdi. Ahâlîsi hemen kâmilen ehl-i hırfet ve sanʻat olan mezkûr menâtıkda sergi büyük bir muvaffa- kiyet kazanmış ve ictimâʻî hıfzıssıhhaya taʻalluku olan mesâili züvvâr bir dikkat-ı mahsûsa ile taʻkîb etmişdir. Belediye, kilise ve heyʼet-i tabîʻiyenin muʻâveneti sâyesinde sergi heyʼetinin teşhîr edeceği eşyâ için yerler tahsîs edilmiş ve sinemalar "Kazâ Vukûʻunda İlk İmdâd" filmini göstermişlerdir. Üç kısımdan ibâret olan bu film elli beş [400] dakîka devâm etmekdedir. Birinci kısımda kesik ve yanıkların tedâvîsi, ikinci kısımda kırık ve burkulmanın tedâvîsi, üçüncü kısımda teneffüs-i sınâʻî ve incimâd eden aʻzânın tedâvîsi gösterilmekdedir. Alman Salîb-i Ahmeri taleb vukûʻunda mezkûr filmi millî Salîb-i Ahmerlerin emrine âmâde bulundurmakdadır. Sergi devâm etdiği esnâda mektebler ziyâret olunmuş ve maʻdenlerde çalışan işçilere konferanslar verilmişdir. 1925 senesi zarfında 150.000 kişi sergiyi ziyâret etmişdir. *** Almanya'da Schleswig-Holstein Salîb-i Ahmeri tarafından ahîren müddet-i tedrîsiyesi iki gün- den ibâret olan bir "muʻâvenet-i ictimâʻiye" dersleri tertîb edilerek tekmîl Salîb-i Ahmer şuʻbe rüesâsı daʻvet olunmuşdur. Bu şuʻbelerin 98 mümessili daʻvet-i vâkıʻayı kabûl ederek derslerde hâzır bulunmuşdur. Prog- ramda mevcûd mevâd şunlardır: - Muʻâvenet-i ictimâʻiyenin menşeʼi ve tekâmülü - Aksâm-ı muhtelifesine dâir konferanslar - Devâir-i hükûmetin ve teşebbüsât-ı husûsiyenin teşrîk-i mesâʻîsi - Bâkir vâlidelerin çocukları. Harb sakatları