HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2724 - Harb erâmili ve ilh. hakkında kavânîn-i mevzûʻa - Muʻâ[ve]net-i ictimâʻiye sâhasında Salîb-i Ahmer'in derʻuhde etdiği vezâif ve Salîb-i Ah- mer'in bu husûsdaki mesâʻî ve faʻâliyeti. İkinci gün etfâlin himâye-i maʻneviyesine, taʻlîm ve terbiyesine ve çocuk mahkemelerine tahsîs edilmiş ve "Kazâ Vukûʻunda İlk İmdâd" nâmında film gösterildikden sonra tedrîsâta hitâm verilmişdir. İşbu tedrîsâtda hâzır bulunan şuʻbe reîsleri son derece ızhâr-ı memnûniyet etdiklerinden mensûb oldukları şuʻbelerde de bu nevʻ tedrîsâtı teşkîl edeceklerini vaʻd etmişlerdir. *** Alman Salîb-i Ahmeri'nin 1924-1925 senesi icrâât raporundan âtîdeki maʻlûmâtı iktibâs ediyoruz: Alman Salîb-i Ahmeri 24 cemʻiyât-ı milliyeden müteşekkildir. Bunlardan en mühimmi Prusya Cemʻiyeti olup 13 vilâyet merkezine ve 97.000'den fazla aʻzâya mâlik olan 300 şuʻbeye mâlikdir. 1924 senesi nihâyetlerine doğru Alman Salîb-i Ahmeri'nin 4.528 şuʻbeye ve yarım milyondan fazla aʻzâya mâlik olduğu görülüyor. Alman Salîb-i Ahmeri el-yevm 6.800 hastabakıcıya, 116 hastahâne ve sıhhat evine, 96 nekâ- hethâneye, 17 terbiye yurduna, 67 ihtiyârlara mahsûs hayrâthâneye ve 18 kadar diğer müessesât-ı hayriyeye sâhibdir. Hastalarla ihtiyârlar için mevcûd yatak mikdârı 20.300'dür. Bu müesseselerin 477 kreşi, vâlide ve çocuklarına ve müteverrimîn vesâir hastalara mahsûs 2.090 muʻâyenehânede 2.400 hastabakıcı hemşîresi çalışmakdadır. Alman Salîb-i Ahmeri'nin imdâd teşkîlâtına dâir bundan evvel iʻtâ etdiğimiz maʻlûmâta bu rapor mûcebince 1.958 sıhhiye kolonlarının 69.359 aʻzâsını ve 34 gönüllü hastabakıcı cemʻiyetinin 1.847 ve 61 Samariten gruplarının 17.473 aʻzâsını ilâve etmek lâzımdır. Ren ve Mosel nehirlerinin feyezânları esnâsında Salîb-i Ahmer şuʻbeleri felâketzedelere mes- ken, elbise, gıdâ tedârük ederken sıhhiye kolonlarının [401] fevkalâde faʻâliyetleri görüldüğünü der- hâtır etmek fâidelidir. Alman Salîb-i Ahmeri'nin propagandası mâhirâne bir tarzda tertîb edilmişdir. Geçen senenin Mayıs'ında Viyana'da tertîb edilmiş olan hıfzıssıhha sergisinde levhalardan, ha- rita ve risâlelerden yapılan koleksiyon herkesin nazar-ı takdîrini celb etmiş idi. Alman Salîb-i Ahmeri'nin vâsıta-i neşriyâtı olan mecmûʻanın aded-i tabʻı on bine ve abone mikdârı yedi bine bâliğ olmakdadır. Çocuk Hıfzıssıhha Atlası Almanya'da Hıfzıssıhha Tedrîsât Millî Komitesi, Nisan'da Dâhiliye Nezâreti'nin zîr-i idâresin- de bir "Millî Sıhhat Haftası" tertîb edecekdir. Halkın hıfzıssıhhasını ıslâh emrinde pek büyük bir kıymet ve ehemmiyeti hâiz olan bu teşeb- büse iştirâkle bezl-i muʻâvenet etmelerini Alman Salîb-i Ahmer Cemʻiyeti merâkiz ve şuʻabâtına taʻmîmen teblîğ etmişdir.