HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2725 Alman Salîb-i Ahmeri, küçük Salîb-i Ahmer gruplarının bile sühûletle bir çocuk hıfzıssıhha sergisi tertîb edebileceğini ve bu maksadla üçüncü tabʻı intişâr etmiş olan Çocuk Hıfzıssıhha Atlası 'nı hâtırlatmakdadır. Yüz aded levha ve fotoğrafîden müteşekkil bu eserde ferdî ve ictimâʻî hıfzıssıhha mesâili ile çocukluğa ârız olan başlıca hastalıklar, çocuğun târîh-i tevellüdünden mektebden çıkdığı zamâna ka- dar geçirdiği safahât arz ediliyor ki, levhalar cildlenmemiş ve yekdiğerine gayr-ı merbût olduğundan intihâb olunacak herhangi bir mahallin duvarlarına ayrı ayrı taʻlîk ve bu vechile sergi hâlinde teşhîr olunabilecekdir. Çocuk Hıfzıssıhha Atlası esâsen hıfzıssıhha tedrîsâtı için tertîb olunduğundan en ziyâde dersler- le konferanslarda müfîd bir eser olmak üzere telâkkî ediliyor. _______________ Yunan Hollanda ile Belçika'da son zamânlarda vukûʻa gelen feyezân-ı enhârdan müteessir olan havâlî ahâlîsinin ihtiyâcâtına sarf edilmek üzere Yunan Salîb-i Ahmeri bu iki memleket millî Salîb-i Ahmer- lerine Heyʼet-i İttihâdiye vâsıtasıyla 10.000 frank göndermişdir. _______________ Belçika Âile hıfzıssıhhasının en ibtidâî kavâʻidine çocukların henüz pek küçük yaşda iken nazar-ı dik- katlerini celbe saʻy eden Belçika'nın Arlon Salîb-i Ahmer Merkezi şehrin tekmîl mekâtib-i ibtidâiyesi fakîr ve muhtâc çocuklarına 450 diş fırçası tevzîʻ etmişdir. Ehemmiyeti derkâr olan ağız hıfzıssıhhasını avâm çok defa ihmâl etmekde olduğundan teşeb- büs-i vâkiʻ şâyân-ı takdîrdir. _______________ Arnavudluk Verilen maʻlûmâta nazaran Arnavudluk Salîb-i Ahmeri şimdiki hâlde bir dispanser, bir dârü- leytâm, bir Süt Damlası açacak ve malaryaya karşı mücâdeleyi ve muhâcirînin himâyesini derʻuhde edecekdir. _______________ [402] Lehistan Lehistan Salîb-i Ahmeri'nin 1923-1924 seneleri faʻâliyet raporu ahîren neşredilmişdir. İktisâ- dî ve mâlî buhrân-ı umûmîden mütevellid müşkilât-ı mâliyenin taht-ı teʼsîrinde kalmasına rağmen Lehistan Salîb-i Ahmeri, ızhâr-ı acz etmeyerek teşkîlâtını ıslâh ve sâha-i faʻâliyetini tevsîʻ etmeğe muvaffak olmuşdur.