HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2727 Gençlik Salîb-i Ahmer Mecmûʻası ayda 2.500 nüsha tabʻ ediyor. Gençlik neşriyâtı meyânın- da mektebler arasında muhâberât, halk hıfzıssıhhasına dâir muhtelif risâleler, takvîmler, kartpostal vesâire bulunmakdadır. [403] Harbden sonraki faʻâliyet Harbden sonra tekmîl levâzım-ı sıhhiye tecdîd ve mecrûhînin nakli yeni bir teşkîlâta rabt edil- mişdir. Beynelmilel tesânüde âid muʻâvenetler Bu kısımda Japon hareket-i arz musâbînine yapılan muʻâvenetlerden ve 1924 senesinde Cemʻi- yet-i Akvâm tarafından vukûʻ bulan mürâcaʻat üzerine Arnavud Salîb-i Ahmeri'ne gönderilen elbise ve levâzım-ı sıhhiyeden bahsedilmekdedir. Lehistan Salîb-i Ahmeri'nin idâre teşkîlâtı Lehistan reîsicumhûru Salîb-i Ahmer'in reîs-i fahrîsidir. Lehistan Salîb-i Ahmeri'nin bir mer- kez-i umûmîsi ve bir de heyʼet-i idâresi vardır. 1924 senesi nihâyetinde 18 merkeze, 389 şuʻbeye ve 148.991 aʻzâya mâlik idi. Büdcesi Lehistan parası sâbit bir hâl aldıkdan sonra ancak 1924 senesi için takrîbî bir büdce tanzîm edi- lebilmişdir. Her nevʻ menâbiʻ-i vâridât dâhil olmak üzere Lehistan Salîb-i Ahmer büdcesi 1.035.500 zlotidir. _______________ Bulgar Bulgar Salîb-i Ahmeri Vidin şuʻbesi kadın terbiye ve Bulgar okuma cemʻiyetlerinin iştirâkiyle geçen senenin Teşrîn-i Evvel'inde Vidin'de bir sıtma haftası tertîb etmişdi. Mekteblere, amele, asker, sivil ahâlîye sinema ile sıtmaya karşı mücâdele temsîlleri gösteril- mişdir. Bu temsîller münâsebetiyle tevzîʻ olunan el iʻlânlarında sıtmanın mâhiyetine ve mücâdele vesa- itine dâir îzâhât verilmiş ve 1920 senesi zarfında Vidin'in muhtelif mahallâtının sıtma grafikleri ilâve edilmişdir. _______________ Fransa'da Harb Aʻmâsı Fransa'da 3.000 harb aʻmâsı vardır. Bu mikdâr diğer memleketlerin harb aʻmâlarına nisbet edi- lecek olursa pek fazladır.