HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2728 Bu kısım mecrûhînin terbiye ve tahfîf-i ıztırâblarına sarf edilmek üzere mebâliğ-i mühimme tahsîs ve teberruʻ etmiş olan Amerika'nın en maʻrûf ricâl-i müşfikasından Mösyö William Nelsun Cromwel, Fransa Mecrûhîn-i Askeriye Muʻâvenet Cemʻiyeti'ne yani Fransız Salîb-i Ahmeri'ne körle- re mahsûs birçok âsâr-ı matbûʻa ihdâ etmişdir. Nûr ve ziyâdan mahrûm bu bedbaht insânlara enîs-i rûh olacak ve onların elem ü kederlerini teskîn edecek, en güzel vâsıta-i şefkatkârâne onları kitâbları ile meşgûl kılmakdır. Harb aʻmâları için Mecrûhîn-i Askeriyeye Muʻâvenet Cemʻiyeti'nde 1 Mayıs 1915 târîhinde açılan büronun masârıfını bir Amerika komitesi derʻuhde etmişdir. Salîb-i Ahmer merkezlerinin bulundukları Fransız şehirlerinde ziyâret edilen aʻmâlardan Bra- ille 1 usûlüne âşinâ olanlar Mösyö William'ın teberruʻ etdiği kitâblardan hemen istifâde edeceklerdir. Braille usûlüne vâkıf olmayanlara ayrıca dersler verilecekdir. Vakti müsâʻid olan zevâtdan mer- kez bürosu için muhâbirler taʻyîn edilecekdir. [404] Şimdiye kadar bu husûsda haklarında tedkîkât icrâ edilmiş olan aʻmâların mikdârı beş yüzdür. Amerikalı Yeray Presi? nâm zât da Harb Aʻmâları Bürosu emrine aʻmâlara mahsûs birkaç gümüş sâʻat göndermişdir. Bu sâʻatler, Braille usûlünde sühûletle kırâata muvaffak olanlara tevzîʻ edilecekdir. Büro, muʻâvenetini ileride sivil aʻmâlara da teşmîl eyleyecekdir. Hulâsa, henüz sekiz aya varmayan ve muvaffakiyetle devâm ve inkişâf etmekde bulunan bu teşebbüsden âtîde en müsâʻid netâyic elde edilecekdir. _______________ Fransa Terbiye-i Bedeniye Mecmûʻası geçen 15 Teşrîn-i Evvel nüshasında 1923 ve 1924 senelerinde garîkan vefât edenlerin bir istatistiğini neşretmişdir. Bu istatistiğe nazaran 1923 senesinde boğulanların yekûnu şimendifer, tayyâre ve otomobil kazâları neticesinde terk-i hayât edenlerin yekûnundan çok fazla olduğu tahakkuk etmişdir. 14 Temmuz'dan 15 Eylül'e kadar beher gün için vasatî 20 mağrûk kaydolunmuşdur. 1924 senesi için tanzîm edilen istatistik ber-vech-i âtîdir: Aded-i Vefeyât İstihmâm netîcesinde 640 Kazâen suya sükût netîcesinde 296 Kayıkla gezinti netîcesinde 248 Balık saydı eğlenceleri netîcesinde 120 Av eğlenceleri 12 Muhtelif 40 Mağrûkan vefât edenlerin yekûnu 1.356 1 Méthode Braille: Henüz üç yaşında iken nûr-ı basardan mahrûm kalmış bir müderrisdir. Aʻmâlara mahsûs kabartma yazının mûcidi olup keşfetdiği metoda kendi ismine izâfetle "Braille Metodu" nâmı verilmişdir.