HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2729 İşbu erkâma dâhil olup istihmâm neticesinde boğulan 640 vefâtdan 300'ü mekteb çocuğu ve kayık gezintilerinden vukûʻa gelen 248 mağrûkdan 105'i kezâ talebedir. Terbiye-i Bedeniye Mecmûʻası bu fecîʻ istatistikden yüzme ve tahlîsiye fenlerinin resmî ted- rîsâta idhâl edilmesi lüzûmuna kâniʻ bulunuyor. _______________ Belçika Belçika'da vukûʻa gelen feyezânlardan müteessir olan menâtıkda Belçika Salîb-i Ahmeri mesâʻî-i muʻâvenetkârîsine devâm ediyor. 6 Şubat 1926 târîhiyle neşrolunan bir rapora nazaran Salîb-i Ahmer'e gönderilen iʻânenin yekû- nu 9.731.357 franga ve târîh-i mezkûra kadar vukûʻ bulan masraf 6 milyon franga bâliğ olmuşdur. Muʻâvenet-i müstaʻcele mesʼelesi hitâm bulduğundan hâl ve vazʻiyeti kemâl-i dikkatle tedkîk ve taʻkîb etmiş olan Belçika Salîb-i Ahmeri esnâfla küçük ticâret ashâbının uğradıkları hasâr u zararı telâfi etmek üzere muʻâvenet-i nakdiyede bulunmağa karâr vermişdir. Bu husûsda tefrîk edilen bir milyon frankdan yapılacak tevzîʻâtda beher sanʻatkâra isâbet ede- cek mikdâr 400 ile 1.000 frank arasında mütehavveldir. İşbu feyezândan zarar-dîde olanlara Namur, Liège eyâletlerinde millî banka tarafından yapılan ikrâzâtın fâizlerini müstahıkkîn için Salîb-i Ahmer derʻuhde ediyor. Tifo aşısı da bu esnâda yavaş yavaş taʻmîm ediliyor. _______________ [405] İsviçre Bern'deki Salîb-i Ahmer Hastabakıcı Mektebi derslerin tarz-ı tertîbâtında bazı taʻdîlât icrâ et- mişdir. Talebe şimdiye kadar mektebde bir sene tahsîl gördükden sonra iki sene staj yapmak üzere muhtelif hastahânelere gönderilmekde idi. Bundan böyle ilk sene nihâyetinde icrâ olunan nazarî ve amelî imtihânlar üçüncü sene nihâye- tinde yapılacakdır. Baʻdemâ talebe altı ay mektebe devâm edecek ve hastahânelere kabûl edilmezden mukaddem nazarî ve amelî ilk imtihâna tâbiʻ tutulacakdır. İki sene stajdan sonra nihâî imtihâna hâzırlanmak üze- re iki ay müddetle tekrâr mektebe devâm edecekdir. İlk imtihân teşrîh, fizyoloji, teknik hasta tedâvîsi ve cerrâhî-i fennî. Nihâî imtihân tıbbî ve cerrâhî tedâvî, emrâz-ı intâniye, maʻlûmât-ı umûmiye ve usûl-i tahaffuz, amelî imtihânlar hasta tedâvîsinin nazarî kısmına tekâbül edecekdir. _______________