HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 56 2732 fâideli olmak için emek ve zamân sarf eyleyen muʻazzez hemşîrelerime bu sütûnlarda mümeyyizler heyʼetinin takdîr ve selâmını iblâğ ederken sevgili Hilâl-i Ahmer'imizin çok faʻâl ve vatan-perver reîs-i muhtereminden de bu velûd ve feyyâz teşebbüsün her türlüsünü, mektebcisini, evcisini, her nevʻini, sıhhiyecisini, ziyâretçisini, laboratuvarcısını ve her cinsini memleketimizde de yetiştirmeğe muvaffak olmak için hiçbir fedâkârlığı esirgememesini ricâ ederiz. Örnek çok kibâr, eser de parlakdır. Hiç şübhe yok ki, yeni Türklüğün yükselmesine çalışacak mebrûr ve mukaddes âmiller arasında kadın duygusu ile kadın acıması ve inceliği ile süslenecek olan bu tür, türlü hastabakıcılık işleri de çok ehemmiyetli bir mevkiʻ olacakdır. Bu yalnız bir medeniyet ve terakkî işi değil, aynı zamânda bir nüfûs işi, bir korunma tedbîri, Türkleri erken ölümden ve hastalıkdan sakınacak bir imece derneği olarak tecellî edecek ve dâimâ ilerleyecekdir. Müdür-i Mesʼûl: Arif Süleyman [408] HİLÂL-İ AHMER'İN CÂMİʻ VE BAYRAM GÜNLERİ Hilâl-i Ahmer, Salîb-i Ahmerler ve diğer bütün müessesât-ı hayriye gibi erbâb-ı hayrât ve ha- senâtın muʻâvenât-ı mâddiye ve maʻneviyeleriyle yaşar ve inkişâf eder. Harb-i Umûmî esnâsında teʻâvün kuvvetlerini pek ziyâde yükselten Salîb-i Ahmerler, vâridât-ı menâbiʻi bulmak için muhtelif vâsıtalara mürâcaʻat etmişlerdi. Bu vâsıtalardan biri de Cemâhîr-i Müttefika-i Amerika'da ve İngiltere'de "Church Day", yani "Kilise Günü" taʻbîr olunandır. Bu iki memleketin Salîb-i Ahmer Cemʻiyetleri senenin birkaç muʻayyen gününde bütün kiliselerde para toplamak usûlünü tatbîk eylemek sûretiyle pek parlak muvaffakiyetler elde etmişlerdir. Amerika ve İngiliz Salîb-i Ahmerlerinin vâridât fasıllarından en mühimmini teşkîl eden "Kilise Günü" bu iki cemʻiyete mühim vâridât teʼmîn ediyor. Hilâl-i Ahmer de "Câmiʻ ve Bayram Günleri"ni ihdâs etmişdir. Maʻlûmdur ki, İstanbul'da Ra- mazân Bayramı'nın ilk günü, Hilâl-i Ahmer'in çiçek günüdür. Bu âdet bâkî kalmakla berâber Ramazân ve Kurbân Bayramlarının ilk günleri Câmiʻ Günleri ittihâz ediliyor. Bu iki mübârek günde bayram namâzına giden her müslümân, câmiʻ-i şerîfe konacak bir kutu veya tepsiye gönlünden ne koparsa atar. Bu âdet, Türkiye Cumhûriyeti'nin en küçük köylerindeki câmiʻlere kadar teşmîl edilebilir. Bu sûretle Ramazân ve Kurbân Bayramlarının ilk günlerinde, bayram namâzının edâsından sonra bütün millet, Hilâl-i Ahmer'i yani bütün eytâm, erâmil ve fukarâyı, muhâcirleri düşünmek fır- satını elde etmiş olur. Bütün memâlik-i İslâmiye'deki câmiʻlerden de aynı himmet ve mürüvvetin ibzâline intizâr olunur. Câmiʻ ve Bayram Günleri'nin hâsılâtı, ber-muʻtâd mecmûʻamızda neşredilecekdir. Bir Ricâ: Türkçe gazetelerin ve muhtelif lisânlarda neşrolunan cerâid-i İslâmiye'nin bu küçük beyânnâmeyi sütûnlarına derc eylemelerini hakkımızdaki dâimî lütuf ve teveccühlerinden ricâ ve niyâz eyler. Hilâl-i Ahmer Mecmûʻası