HİLÂL-İ AHMER MECMÛʻALARI / CİLT 6

2745 Beşinci Sene 2 Zilkaʻde sene 1344 / 15 Mayıs 1926 Numara 57 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Paraların Temizliği – İmparatoriçe Shôken Vakfı – Emrâz-ı Zühreviye ile Mücâdele – Süt Damlası'nın Aylık Faʻâliyeti – Hilâl-i Ahmer Havâdisi – Salîb-i Ahmerler Havâdisi – Fransızca Kısmı – İngilizce Kısmı İCTİMÂʻÎ HIFZISSIHHA -30- Mektebe Âid Sıhhiyât Neslin 6-15 yaşındaki genç anâsırı mekteb çocuğu diye tavsîf edilmekdedir. Mekteb çocuğunun hayâtı günün muʻayyen ve mühim sâʻatlerinde mekteb denilen müesseselerde geçdiği nazar-ı iʻtibâra alınırsa mekâtibe âid hıfzıssıhhanın ehemmiyeti yek-nazarda kolaylıkla anlaşılabilecekdir. Mekteb hayâtı mekân u mekîn nokta-i nazarından iki türlü mütâlaʻa edilmekdedir. Hıfzıssıhha- nın mekâtibe âid şuʻbesi son senelerde pek ehemmiyet almış ve gençlerin sağlam, gürbüz yetişmeleri husûsunda pek esâslı ve cezrî tedâbîr tatbîk edilmişdir. Mekân cihetiyle mekteb binâsı hıfzıssıhhanın bütün kavâʻidine tetâbuk ederek inşâ edilmiş ola- cağı gibi mevkiʻi, arâzîsi, güneşin ve rüzgârların teʼsîrâtı da tedkîk edilmiş bulunacakdır. Mekâtib umûmiyetle şehrin kesîf halk tabakaları ile muhât piyasa, ticâret mahallerinde veya vesâit-i nakliyenin temerküz etdiği fabrikaların toz, duman, buhâr ve gazât neşretdiği mıntıkalarda inşâ olunamaz. Bundan mâʻadâ mekâtibin yolu üzerinde ve civârında meyhâne, kârhâne, sâlhâne, vilâdethâne, hastahâne gibi müessesât ve binâların bulunmamasına da dikkat etmek lâzımdır. Mekâtibin inşâsında derecâtı nazar-ı dikkate alarak yeknesak bir tarz ve üslûbu kabûl etmek pek doğrudur. Köy mekteblerini muhakkak birer katlı olarak bugün Avrupa ve Amerika'daki numûnele- rine göre inşâ etmek zarûreti vardır. Bunlar kullanışlı oldukları kadar bu yaşdaki çocuklara âid birer sıhhî yuva şeklindedirler. Tâlî tedrîsâta âid mekâtib bittabʻ şehre ve mevcûd talebenin adedine göre cesâmetde olacakdır.