HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2747 Mekteb dâhilinde îcâbına göre ilk imdâd istasyonu teşkîli de münâsibdir. Burada talebeye ârız olacak ufak tefek kazâ ve avârıza karşı tedâbîr alınır. Son senelerde genç mekteblilerin dişlerine verilecek ehemmiyet nazar-ı iʻtibâra alınarak mekteblere diş hıfzıssıhha mütehassısları kadın da taʻyîn olun- muşdur. Bunlar ara sıra mektebleri teftîş ederek talebenin dişlerini tedkîk ve îcâb eden sıhhî vesâyâ ve nesâyihi telkîn etmekdedirler. Mekteb etıbbâsının genç mekteblilerde taʻkîb edeceği esâsât göz muʻâyenesi ve güzellik iʻtâsı, diş muʻâyenesi, enfî-belʻûmî ve kulak muʻâyeneleridir. Göz muʻâyenesine mektebde verilecek ehemmiyet pek lâzımdır. Bir kısım zekî çocuklar sırf gözlerinin muʻâyene edilmemesinden ve îcâb eden gözlük konul- mamasından dolayı sınıfda fakîr derecede kalmışlar ve aynı mertebede sayılmışlardır. Bu cihetle çocuklar mektebe alınırken muhakkak göz muʻâyenesine tâbiʻ tutulmalı ve îcâb eden gözlüğü taşıma- lıdırlar. Bundan mâʻadâ senede iki defa olmak üzere bi'l-umûm talebenin gözleri tekrâr mütehassısları tarafından muʻâyene edilmelidir. Diş muʻâyenesi çocukların tarz-ı tegaddî ve tenemmüvleri cihetiyle pek ehemdir. Mektebdeki nâ-mevcûdunun en başlıca sebeblerinden biri de diş ağrısı ve avârızıdır. Bu cihetle talebelerin dişleri- ne lâzım gelen sıhhî ehemmiyet verilmeli ve günde dört defa diş fırçalanmak usûlü mecbûrî tutulma- lıdır: Sabâh kahvaltısından evvel, öğle yemeğinden sonra, akşâm yemeğinden evvel, yatmadan evvel. Çocuklar kendi diş fırçalarını en lüzûmlu sıhhî bir malzeme bilmeli ve onsuz yaşanılmayacağı telkîn edilmelidir. Enfî-belʻûmî muʻâyenede çocukların neşv ü nemâ ve tekâmüllerine icrâ-yı teʼsîr eden şibh-i lenfâvî tenebbütât anlaşılarak îcâb eden müdâvât-ı cerrâhiye ve devâiyesi taʻkîb edilir. Çocuklara mahsûs diş dispanserlerinde sırf bu husûs için şuʻbe teʼsîs edilmek iktizâ eder. Bundan mâʻadâ çocuklara ârız olan lenfâvî tederrün, sıraca gibi illetler de dâimâ taharrî ve taʻkîb ve tedâvî edilmek ve bu gibi husûsâtda daha ziyâde tahaffuzî tedâbîr almak îcâb eder. Mekteb heyʼet-i sıhhiyesinin en müteyakkız bulunacağı mesʼele emrâz-ı sâriyenin vukûʻudur. Evvel emirde her çocuğun çiçek aşısı olup olmadığını, tutup tutmadığını ve kaç defa olduğu hakkın- da maʻlûmât alınacakdır. Difteriye karşı bi'l-umûm talebelere Chic" tecrübesi yapılmalı ve îcâb eder ise difteri aşısı tatbîk olunmalıdır. Kızıl vukûʻâtında Dick tecrübesi de ihmâl olunmamalıdır. Bundan mâʻadâ uyuz, kel, bit gibi sârî hastalıklar pek dikkatle taʻkîb olunarak sirâyetine meydân verilmeme- lidir. Mektebde emrâz-ı sâriye zuhûrunda hemen hasta tecrîd edilerek îcâb eden tathîrât ve tedâbîr-i tahaffuziye icrâ edilmeli ve şekle göre ya mekteb veya sınıf taʻtîl olunmalıdır. Emrâz-ı sâriyeden tahaffuz husûsâtını basît şema tarzında musavver grafikler tersîm ederek salon, sınıf gibi mahallere asmalı ve mümkün olduğu [416] takdîrde küçük bir de sıhhî müze teʼsîs edilmelidir. İlk mekâtibde teneffüs zamânları uzun olacakdır. Bu zamânda bi'l-umûm talebe açık havâda ve teʼsîs edilen oyun mahallerinde vakit geçireceklerdir. Tipi ve yağmurlu havâlar müstesna olmak üzere senenin bütün günlerinde açık havâda oynamağı esâs ettihâz etmeli ve oyun vesâiti vücûda çeviklik verecek harekâtı istihdâf ederek zararsız, kazâsız şekilde ihdâs edilmelidir. Bundan mâʻadâ haftanın muʻayyen sâʻatlerinde yine açık havâda olmak üzere bedenî taʻlîmler yapdırılmalı ve bu gibi şeyler mütehassısı muʻallimler tarafından tamâmen fizyoloji kavâʻidine göre tanzîm edilmelidir.