HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 57 2749 Hiç unutmamalıdır ki, mekteb muʻallim, talebe, ebeveynden müteşekkil bir kooperatif hük- mündedir. Bu şirketin aʻzâsı birbirleriyle mütekâbilen ne kadar iyi anlaşırlar ve ne derece hüsn-i niyet ile çalışırlarsa neslin âtîsi ve milletin istikbâli o nisbetde teʼmîn edilmiş olur. Binâenaleyh Türk Cumhûriyeti bu esâsâtı nazar-ı iʻtibâra alarak cumhûriyet nesillerini asrî maʻârif tarz ve istikâmetine tevcîh ve bilhâssa mekâtibin sıhhî mesâilini ehemmiyetle taʻkîb edecek anâsırı ihzâr ve ikdâr ile âtî için pek ümîd-bahş bir mazhariyete nâil olacağına şübhe yokdur. PARANIN TEMİZLİĞİ Üzerimizde, ceblerimizde, çantalarımızda taşıdığımız ve el ile tutduğumuz, günde belki yüz defa parmaklarımızın uçlarıyla temâs etdiğimiz para temiz midir? Birçok ellerden geçen, birçok kirli ellerde dolaşan, mülevves keselere giren bu para temiz olabilir mi? suâllerine verilecek cevâb şübhe- siz hayırdır. Maʻamâfîh altın, gümüş, bronz, nikel gibi meskûkât-ı maʻdeniye mevzûʻ-ı bahis olunca bu pislik şâyân-ı endîşe görülemez. Fi'l-hakîka maʻdenî paralar mikrobları itlâf eder. Bunların sath-ı maʻdenîsine yapışan mikroblar tebehhurât netîcesinde yaşayıp inkişâf edemezler. Birçok tecrübelerden anlaşıldığı üzere ceblerimiz- de taşıdığımız paralarda bulunabilecek bakterilerle bulaşmak tehlikesi pek nadirdir. Hâlbuki banknotlarla evrâk-ı nakdiye için mesʼele değişir. Evrâk-ı nakdiye üzerinde mikroblar pek kolaylıkla neşv ü nemâ bulur. Yeni ve temiz, müstaʻmel ve kirli olmasına nazaran evrâk-ı nakdiyenin binden yetmiş beş bine kadar mikrobu hâmil olduğunu erbâb-ı fen meydâna çıkarmışdır. Elimize aldığımız evrâk-ı nakdiye ile difteri, strep to-coque ve verem basilleri gibi içlerinde birçokları pek tehlikeli olabilecek binlerce mikrobu parmaklarımızın uçlarına nakletmiş oluyoruz. Bu tehlikeye nazar-ı dikkati celb etmek lâzımdır. Birçok kimselerin, ale'l-husûs esnâf ve amele makûlesi insânların çarşı pazarda, şurada burada para bozarken bir sû-i iʻtiyâdla evrâk-ı [418] nakdiyeyi dudak ve ağızlarına sıkışdırmaları ve para taʻdâd ederken yine birçok kimselerin parmaklarını tükürükleriy- le ıslatmaları sıhhat için son derece tehlikeli ve aynı zamânda pek müstekreh bir iʻtiyâddır. İMPARATORİÇE SHÔKEN VAKFI Sulh zamânlarında muhtâcîn ve felâketzedegâna yapılan muʻâveneti teşcîʻ maksadıyla 1912 se- nesinde inʻikâd eden Washington Beynelmilel Salîb-i Ahmer Konferansı'na Japonya Salîb-i Ahmeri, İmparatoriçe Shôken nâmına 100 bin pen (Bir pen = 2,56 frankdır.) tevdîʻ etmiş idi. Beynelmilel Salîb-i Ahmer Merkez Komitesi'nin idâre ve tenmiye etdiği bu meblağın her sene getireceği îrâdı, Salîb ve Hilâl-i Ahmer Cemʻiyetlerinden mürâcaʻat edenlere ihtiyâcları nisbetinde tevzîʻ edilmekde olduğundan ve bu sene de beşinci defa on beş bin frank yedi Salîb-i Ahmer'e tarz-ı âtîde taksîm edilmişdir.